ಕಂಕಣ ಸೂರ್ಯಗ್ರಹಣ: ಅಥಣಿಯಲ್ಲಿ ನಾಳೆ ಬಂದ್​​​​​​ ಆಗಲಿವೆ ದೇವಾಲಯಗಳು

ಅಪರೂಪದ ಕಂಕಣ ಸೂರ್ಯಗ್ರಹಣದಿಂದ ಬಾನಂಗಳದ ಚಮತ್ಕಾರವನ್ನು ಕಣ್ತುಂಬಿಕೊಳ್ಳಲು ಇಡೀ ದೇಶವೇ ಕಾತುರದಿಂದ ಕಾದು ಕುಳಿತಿದೆ.

ಅಥಣಿ: ಅಪರೂಪದ ಕಂಕಣ ಸೂರ್ಯಗ್ರಹಣದಿಂದ ಬಾನಂಗಳದ ಚಮತ್ಕಾರವನ್ನು ಕಣ್ತುಂಬಿಕೊಳ್ಳಲು ಇಡೀ ದೇಶವೇ ಕಾತುರದಿಂದ ಕಾದು ಕುಳಿತಿದೆ.

ಇನ್ನು ಕಂಕಣ ಸೂರ್ಯಗ್ರಹಣ ಆಸ್ತಿಕರ ನಿದ್ದೆಗೆಡಿಸಿದ್ದಂತು ಸುಳ್ಳಲ್ಲ. ನಗರದ ಪ್ರಮುಖ ದೇವಾಲಯಗಳು ನಾಳೆ ಮುಂಜಾನೆ 6 ಗಂಟೆಯಿಂದ ಬಂದ್​ ಆಗಲಿವೆ. ಅದರಲ್ಲೂ ಪ್ರಮುಖವಾಗಿ ಸಿದ್ದೇಶ್ವರ ದೇವಾಲಯ, ಗಜ್ಜಿನ ಮಠ ಹಾಗೂ ಸುಕ್ಷೇತ್ರ ಖಿಳೇಗಾಂವ ಸ್ವಯಂ ಉದ್ಭವ ಬಸ್ವೇಶ್ವರ ಮೂರ್ತಿ ದೇವಾಲಯ ಸೇರಿದಂತೆ ಕೊಕಟನೂರ ಯಲ್ಲಮ್ಮ ದೇವಿ ಸೇರಿದಂತೆ ವಿವಿಧ ಗ್ರಾಮಗಳ ಬಹುತೇಕ ದೇವಾಲಯಗಳು ನಾಳೆ ಬಂದ್​ ಆಗಲಿವೆ.

ಸೂರ್ಯಗ್ರಹಣ ಮುಗಿದ ಬಳಿಕ ದೇವಾಲಯ ತೊಳೆದು ನಂತರ ದೇವರಿಗೆ ಪೂಜೆ ಸಲ್ಲಿಸಿದ ಬಳಿಕವೇ ಭಕ್ತರಿಗೆ ದರ್ಶನಕ್ಕೆ ಅವಕಾಶ ನೀಡಲಾಗುತ್ತದೆ.