ಸಾಮಾಜಿಕ ಅಂತರ ಮರೆತ ಬೆಳಗಾವಿ ಮಂದಿ: ಹಣ ಪಡೆಯಲು ಬ್ಯಾಂಕ್​ ಮಂದೆ ಸರದಿ ಸಾಲು

ಬೆಳಗಾವಿ ಪಟ್ಟಣದ ಬಸ್​ ನಿಲ್ದಾಣದ ಮುಂಭಾಗದಲ್ಲಿರುವ ಎಸ್​ಬಿಐ ಬ್ಯಾಂಕ್ ಹಾಗೂ ಯೂನಿಯನ್ ಬ್ಯಾಂಕ್ ಮುಂದೆ ಜನರು ಹಣ ತೆಗೆದುಕೊಳ್ಳಲು ಸಾಮಾಜಿಕ ಅಂತರ ಮರೆತು ಮುಗಿಬಿದ್ದರು.

ಬೆಳಗಾವಿ : ಲಾಕ್​ಡೌನ್​ ಕೊಂಚ ಸಡಿಲಿಕೆ ಮಾಡಿರುವುದರಿಂದ ಅಗತ್ಯ ವಸ್ತುಗಳ ಖರೀದಿಗೆ ಹಣ ಪಡೆದುಕೊಳ್ಳಲು ನಗರದ ಎಸ್‌ಬಿಐ ಬ್ಯಾಂಕ್​ ಮುಂದೆ ಸಾಮಾಜಿಕ ಅಂತರ ಪಾಲಿಸದೇ ಜನರು ಗುಂಪು ಗುಂಪಾಗಿ ನಿಂತಿದ್ದರು.

ಪಟ್ಟಣದ ಬಸ್​ ನಿಲ್ದಾಣದ ಎದುರಿನ ಎಸ್​ಬಿಐ ಬ್ಯಾಂಕ್ ಹಾಗೂ ಯೂನಿಯನ್ ಬ್ಯಾಂಕ್ ಮುಂದೆ ಜನರು ಜಮಾಯಿಸಿದ್ದರು. ಕಳೆದ 40 ದಿನಗಳಿಂದ ಸ್ತಬ್ಧವಾಗಿದ್ದ ನಗರ ಇಂದು ಜನರಿಂದ ತುಂಬಿ ಹೋಗಿತ್ತು. ಹಾಗಾಗಿ, ಲಾಕ್‌‌ಡೌನ್ ಸಡಿಲಿಕೆ ಮಾಡಿರುವ ನಿರ್ಧಾರ ಕೆಲವರಿಗೆ ಖುಷಿ ಕೊಟ್ಟರೆ, ಇನ್ನು ಕೆಲವರಲ್ಲಿ ಭೀತಿ ಹುಟ್ಟಿಸಿದೆ.