ಅಥಣಿ : ಅದಮ್ಯ ಫೌಂಡೇಶನ್ ವತಿಯಿಂದ ಇದೇ ಫೆ. 24 ರಂದು ಜಿಲ್ಲೆಯ ಅಥಣಿ ತಾಲೂಕಿನ ನದಿ ಇಂಗಳಗಾಂವ ಗ್ರಾಮದ, ಗುರುಲಿಂಗದೇವರ ಮಠದಲ್ಲಿ ಅದಮ್ಯೋತ್ಸವ - 2020 ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ.
ಈ ಕಾರ್ಯಕ್ರಮಕ್ಕೆ ವಿಶೇಷ ಆಹ್ವಾನಿತರಾಗಿ ಯುವ ವಿಜ್ಞಾನಿ ಹಾಗೂ ಡ್ರೋಣ್ ಕ್ಯಾಮರಾ ಕಂಡುಹಿಡಿದ ಡ್ರೋಣ್ ಪ್ರತಾಪ್ ಆಗಮಿಸಲಿದ್ದಾರೆ. ಅದಮ್ಯ ಫೌಂಡೇಶನ್ ಸಂಸ್ಥೆಗೆ ಒಂದು ವರ್ಷ ತುಂಬಿದ ಹಿನ್ನೆಲೆಯಲ್ಲಿ ಅದಮ್ಯೋತ್ಸವ - 2020 ಕಾರ್ಯಕ್ರಮಕ್ಕೆ ಶ್ರೀ. ಮ.ನಿ.ಪ್ರ ಗುರುಮಹಾಂತ ಸ್ವಾಮೀಜಿಗಳು ಇಳಕಲ್ ಹಾಗೂ ಶ್ರೀ. ಮ.ನಿ.ಪ್ರ ಸಿದ್ಧಲಿಂಗ ಮಹಾಸ್ವಾಮಿಗಳು ನದಿ ಇಂಗಳಗಾಂವ ದಿವ್ಯ ಸಾನಿಧ್ಯ ವಹಿಸಲಿದ್ದಾರೆ.
ಯುವಕರಿಗಾಗಿ ನಡೆಯುವ ಈ ವಿಶೇಷ ಉಪನ್ಯಾಸ ಕಾರ್ಯಕ್ರಮದಲ್ಲಿ ಬೆಳಗಾವಿ ಎಸ್ಪಿ ಲಕ್ಷ್ಮಣ್ ನಿಂಬರಗಿ, ಯುವ ವಿಜ್ಞಾನಿ ಡ್ರೋಣ್ ಪ್ರತಾಪ್ ಹಾಗೂ ಕಾಂಗ್ರೆಸ್ ಯುವ ಮುಖಂಡ ಬಾಲಾಜಿ ಸಾವಳಗಿ ವಿಶೇಷ ಆಹ್ವಾನಿತರಾಗಿ ಆಗಮಿಸಲಿದ್ದಾರೆ.
