ಹೊಸ ಪ್ರಿಯಕರನೊಂದಿಗೆ ಕಾಣಿಸಿಕೊಂಡ ಪ್ರಿಯತಮೆ: ಯುವಕನಿಗೆ ಚಾಕು ಇರಿದ ಹಳೆ ಪ್ರಿಯಕರ

ಪ್ರೇಯಸಿಯೊಂದಿಗೆ ಹೊಸ ಪ್ರಿಯಕರ ಕಾಣಿಸಿಕೊಂಡ ಹಿನ್ನೆಲೆ ರೊಚ್ಚಿಗೆದ್ದ ಹಳೆ ಪ್ರಿಯಕರ, ಹೊಸ ಪ್ರಿಯಕರನಿಗೆ ಚಾಕುವಿನಿಂದ ಇರಿದಿರುವ ಘಟನೆ ನಗರದಲ್ಲಿ ಜರುಗಿದೆ.

ಮೈಸೂರು: ಪ್ರೇಯಸಿಯೊಂದಿಗೆ ಹೊಸ ಪ್ರಿಯಕರ ಕಾಣಿಸಿಕೊಂಡ ಹಿನ್ನೆಲೆ ರೊಚ್ಚಿಗೆದ್ದ ಹಳೆ ಪ್ರಿಯಕರ, ಹೊಸ ಪ್ರಿಯಕರನಿಗೆ ಚಾಕುವಿನಿಂದ ಇರಿದಿರುವ ಘಟನೆ ನಗರದಲ್ಲಿ ಜರುಗಿದೆ.

ನಯಾಜ್ ಪಾಷಾ ಇರಿತಕ್ಕೊಳಗಾದ ಹೊಸ ಪ್ರಿಯಕರ. ಚಾಕುವಿನಿಂದ ಇರಿದ ಮಹಮದ್ ರಫಿಯನ್ನು ಬಂಧಿಸಲಾಗಿದೆ.

ಘಟನೆಯ ವಿವರ :

ಮಹಮ್ಮದ್ ರಫಿ 8 ವರ್ಷಗಳಿಂದ ಯುವತಿಯೋರ್ವಳನ್ನು ಪ್ರೀತಿಸುತ್ತಿದ್ದ. ಆದರೆ ಎರಡು ವರ್ಷಗಳಿಂದ ಈತನಿಂದ ಯುವತಿ ದೂರವಿದ್ದಳು. ಆದರೆ ನಯಾಜ್‌ ಪಾಷಾ ಜೊತೆ ಪ್ರೇಯಸಿ ಒಡನಾಟ ಹೆಚ್ಚಿಸಿಕೊಂಡಿದ್ದನ್ನು ಸಹಿಸಿದ ಮಹಮ್ಮದ್ ನೆಹರು ವೃತ್ತದ ಬಳಿ ನಯಾಜ್‌ಗೆ ಚಾಕುವಿನಿಂದ ಇರಿದಿದ್ದಾನೆ. ತಕ್ಷಣ ಸಾರ್ವಜನಿಕರು ನಯಾಜ್‌ನನ್ನು ಆಸ್ಪತ್ರೆಗೆ ಕರೆದೊಯ್ದು, ಮಹಮ್ಮದ್ ರಫಿಯನ್ನು ಪೊಲೀಸರಿಗೊಪ್ಪಿಸಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ನ್ಯಾಯಾಂಗ ಬಂಧನದಲ್ಲಿರಿಸಿದ್ದಾರೆ.