ಮಗುವಿಗೆ ಗೋಬಿ ಮಂಚೂರಿ ಕೊಡಿಸಲು ಹೋದಾಗ ಅಪಘಾತ: ಬೈಕ್ ಸವಾರರಿಬ್ಬರ ಸಾವು!

ಸ್ನೇಹಿತರ  ಮಗುವಿಗೆ  ಗೋಬಿ  ಮಂಚೂರಿ  ಕೊಡಿಸಲು  ಹೋದಾಗ  ಬೈಕ್​ಗಳ ನಡುವೆ ಅಪಘಾತ ಸಂಭವಿಸಿ ಇಬ್ಬರು ಸಾವನ್ನಪ್ಪಿರುವ ಘಟನೆ ದೊಡ್ಡಬಳ್ಳಾಪುರ ತಾಲೂಕಿನ ನಡೆದಿದೆ.

ದೊಡ್ಡಬಳ್ಳಾಪುರ : ಸ್ನೇಹಿತರ ಮಗುವಿಗೆ ಗೋಬಿ ಮಂಜೂರಿ ಕೊಡಿಸಲೆಂದು ಹೋದಾಗ ಬೈಕ್​ಗಳ ಮಧ್ಯೆ ಮುಖಾಮುಖಿ ಡಿಕ್ಕಿ ಸಂಭವಿಸಿ ಸವಾರರಿಬ್ಬರು ಸಾವನ್ನಪ್ಪಿದ್ದಾರೆ. ಈ ಅಪಘಾತದಲ್ಲಿ ಮಗು ಗಂಭೀರವಾಗಿ ಗಾಯಗೊಂಡಿದೆ.

ಮಗುವಿಗೆ ಗೋಬಿ ಮಂಚೂರಿ ಕೊಡಿಸಲು ಹೋದಾಗ ಅಪಘಾತ:

ದೊಡ್ಡಬಳ್ಳಾಪುರ ತಾಲೂಕಿನ ಹಾಡೋನಹಳ್ಳಿಯ ಪಂಚಾಯತ್ ಮುಂಭಾಗದಲ್ಲಿ ಈ ಅಪಘಾತ ಸಂಭವಿಸಿದೆ. ಅಪಘಾತದಲ್ಲಿ ತಿಪ್ಪಗಾನಹಳ್ಳಿಯ ಸಾಗರ್ (18) ಮತ್ತು ಹಾಡೋನಹಳ್ಳಿಯ ನಿವಾಸಿ (40) ಸಾವನ್ನಪ್ಪಿದ್ದಾರೆ.

ಮೃತ ಸಾಗರ್ ತಮ್ಮ ಸ್ನೇಹಿತರ ಮಗುವಿಗೆ ಗೋಬಿ ಮಂಜೂರಿ ಕೊಡಿಸಲು ಬೈಕ್​ನಲ್ಲಿ ಹಾಡೋನಹಳ್ಳಿಯ ಗ್ರಾಮಕ್ಕೆ ಕರೆದುಕೊಂಡು ಹೋಗುವಾಗ ಎದುರಿಗೆ ಬರುತ್ತಿದ್ದ ನಂಜೇಗೌಡರ ಬೈಕ್ ಮಧ್ಯೆ ಡಿಕ್ಕಿಯಾಗಿದೆ. ಪರಿಣಾಮ ಸ್ಥಳದಲ್ಲೇ ಸಾಗರ್ ಸಾವನ್ನಪ್ಪಿದ್ರೆ, ನಂಜೇಗೌಡ ಆಸ್ಪತ್ರೆಗೆ ಸಾಗಿಸುವ ಮಾರ್ಗ ಮಧ್ಯದಲ್ಲಿ ಸಾವನ್ನಪ್ಪಿದ್ದಾರೆ.

ಇನ್ನು ಈ ಘಟನೆಯಲ್ಲಿ ಮಗು ಗಂಭೀರವಾಗಿ ಗಾಯಗೊಂಡಿದ್ದು, ಬೆಂಗಳೂರಿನ ನಿಮ್ಹಾನ್ಸ್ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ದೊಡ್ಡಬಳ್ಳಾಪುರ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.