ಪ್ರತೀ ಹಂತದ ಲಾಕ್​ಡೌನ್​​​ ಅವಧಿಯಲ್ಲಿ ಬೆಂಗಳೂರಿನ ಕೋವಿಡ್ ಸೋಂಕಿತರ ಸಂಖ್ಯೆ ಎಷ್ಟು?

ಮೊದಲ ಘಟನೆಯಿಂದ ಲಾಕ್​ಡೌನ್​ 4.0 ವರೆಗೆ ಆದ 282 ಪ್ರಕರಣಗಳು ಯಾವ ಯಾವ ಲಾಕ್​ಡೌನ್​ ಅವಧಿಯಲ್ಲಿಯಲ್ಲಾಗಿದೆ ಎಂದು ಅಂಕಿ - ಅಂಶ ಬಿಡುಗಡೆ ಮಾಡಿದೆ. ಲಾಕ್​ಡೌನ್​ ನಾಲ್ಕನೇ ಹಂತ ಸಡಿಲಿಕೆಯಿಂದ ಇಡೀ ರಾಜ್ಯದಲ್ಲಿ ಹಠಾತ್ತನೇ ಸೋಂಕಿತರ ಸಂಖ್ಯೆ ಏರಿಕೆಯಾದರೂ ಬೆಂಗಳೂರಲ್ಲಿ ಮಾತ್ರ ನಿಯಂತ್ರಣದಲ್ಲಿರುವುದು ಇದರಲ್ಲಿ ಗೊತ್ತಾಗಿದೆ.

ಬೆಂಗಳೂರು: ಮಹತ್ವದ ದಿನಗಳಲ್ಲಿ ಕರ್ನಾಟಕ ಮತ್ತು ಬಿಬಿಎಂಪಿ ವ್ಯಾಪ್ತಿಯ ಕೋವಿಡ್-19 ಸೋಂಕಿತ ಪ್ರಕರಣಗಳ ವಿವರಗಳನ್ನು ಬಿಬಿಎಂಪಿ ಬಿಡುಗಡೆ ಮಾಡಿದೆ. ಒಂದು ಕಾಲು ಕೋಟಿ ಜನಸಂಖ್ಯೆ ಇರುವ ನಗರದಲ್ಲಿ ಕೊರೊನಾ ನಿಯಂತ್ರಣದಲ್ಲಿದೆ ಎಂಬುದನ್ನು ಇದು ಸಾಬೀತುಪಡಿಸಿದೆ.

ಬಿಬಿಎಂಪಿ ವ್ಯಾಪ್ತಿಯ ಕೋವಿಡ್-19 ಸೋಂಕಿತ ಪ್ರಕರಣಗಳ ವಿವರ

ಮೊದಲ ಘಟನೆಯಿಂದ ಲಾಕ್​ಡೌನ್​ 4.0 ವರೆಗೆ ಆದ 282 ಪ್ರಕರಣಗಳು ಯಾವ ಯಾವ ಲಾಕ್​ಡೌನ್​ ಅವಧಿಯಲ್ಲಾಗಿದೆ ಎಂದು ಅಂಕಿ ಅಂಶ ಬಿಡುಗಡೆ ಮಾಡಿದೆ. ಲಾಕ್​ಡೌನ್​ ನಾಲ್ಕನೇ ಹಂತ ಸಡಿಲಿಕೆಯಿಂದ ಇಡೀ ರಾಜ್ಯದಲ್ಲಿ ಹಠಾತ್ತನೇ ಸೋಂಕಿತರ ಸಂಖ್ಯೆ ಏರಿಕೆಯಾದ್ರೂ ಬೆಂಗಳೂರಲ್ಲಿ ಮಾತ್ರ ನಿಯಂತ್ರಣದಲ್ಲಿರುವುದು ಇದರಲ್ಲಿ ಗೊತ್ತಾಗಿದೆ.

ಕರ್ನಾಟಕ ಮತ್ತು ಬೆಂಗಳೂರಿನ ಕೊರೊನಾ ಸೋಂಕಿತರ ವಿವರ:

ಲಾಕ್​ಡೌನ್	ಅವಧಿ ​	ಕರ್ನಾಟಕ	ಬೆಂಗಳೂರು
0.0	24-03-2020	51	32
1.0	14-04-2020	260	71
2.0	03.05.2020	606	153
3.0	17.05.2020	1146	239
4.0	26-05-2020	2282	282

ಕಂಟೇನ್​​​​ಮೆಂಟ್ ವ್ಯಾಪ್ತಿಯಲ್ಲಿ ಕಡಿತ

ಕಂಟೇನ್​​​​ಮೆಂಟ್ ನಿಯಮದಲ್ಲಿ ಕೊಂಚ ಸಡಿಲಿಕೆ ಮಾಡಲಾಗಿದೆ. ಹಿಂದೆ ಅಪಾರ್ಟ್ಮೆಂಟ್ ಸಮುಚ್ಚಯದಲ್ಲಿ ಒಬ್ಬರಿಗೆ ಕೊರೊನಾ ಪಾಸಿಟಿವ್ ಬಂದ್ರೆ ಇಡೀ ಅಪಾರ್ಟ್ ಮೆಂಟ್ ಕಂಟೇನ್​ಮೆಂಟ್​ ಮಾಡಲಾಗುತ್ತಿತ್ತು. ಆದ್ರೆ ಈಗ ಸೋಂಕಿತ ವ್ಯಕ್ತಿ ವಾಸಿಸುತ್ತಿದ್ದ ಮಹಡಿ, ಅದರ ಮೇಲಿನ ಮತ್ತು ಕೆಳಗಿನ ಮಹಡಿಯನ್ನು ಮಾತ್ರ ಕಂಟೇನ್​ಮೆಂಟ್ ಮಾಡಲಾಗುತ್ತದೆ.

ಜೊತೆಗೆ ಇತರಡೆ ಸೋಂಕಿತ ವ್ಯಕ್ತಿ ವಾಸವಾಗುತ್ತಿದ್ದ ನೂರು ಮೀಟರ್ ಸುತ್ತಮುತ್ತ ಕಂಟೇನ್​ಮೆಂಟ್ ಮಾಡಲಾಗುತ್ತಿದ್ದು, ಈಗ ಮನೆಯ ಎದುರಿನ ಬೀದಿ ಮಾತ್ರ ನಿಯಂತ್ರಿತ ವಲಯ ಹಾಗೂ ಈ ಹಿಂದೆ ಇದ್ದ ಒಂದು ಕಿ.ಮೀ ವ್ಯಾಪ್ತಿಯನ್ನು ಬಫರ್ ಝೋನ್ ಮಾಡಲಾಗುತ್ತಿದ್ದು, ಈಗ 200 ಮೀಟರ್ ವ್ಯಾಪ್ತಿ ಪ್ರದೇಶ ಮಾತ್ರ ಬಫರ್ ಝೋನ್ ಮಾಡಲಾಗುತ್ತಿದೆ.

ಇನ್ನು ಸ್ಲಂ ಪ್ರದೇಶದಲ್ಲಿ ವ್ಯಕ್ತಿಗೆ ಕೊರೊನಾ ಕಂಡುಬಂದರೆ ಮನೆಯಿರುವ ಬೀದಿ ಹಾಗೂ ಅಕ್ಕಪಕ್ಕದ ಬೀದಿಯನ್ನು ಕಂಟೇನ್​ಮೆಂಟ್ ಪ್ರದೇಶ ಎಂದು ಗುರುತಿಸಲಾಗುತ್ತದೆ.