ಬೆಂಗಳೂರು: ಬಂದ ಬಂದವರನ್ನ ಸೇರಿಸಿಕೊಳ್ಳುವುದಕ್ಕೆ ಇದೇನು ಲಾಡ್ಜ್ ಅಲ್ಲವೆಂದು ವೈದ್ಯರೊಬ್ಬರು ಬೇಜವಬ್ದಾರಿಯಾಗಿ ಜವಾಬು ಕೊಟ್ಟಿದ್ದಾರೆ ಎನ್ನಲಾದ ವಿಡಿಯೋವೊಂದು ಇದೀಗ ವೈರಲ್ ಆಗಿದೆ.
ಮಹಿಳಾ ರೋಗಿ ಸಂಬಂಧಿಕರ ಮೇಲೆ ಸರ್ಕಾರಿ ವೈದ್ಯನ ದರ್ಪ
ಯಲಹಂಕ ಸರ್ಕಾರಿ ಆಸ್ಪತ್ರೆಗೆ ರೋಗಿವೋರ್ವರು ವೈದ್ಯ ಚೇತನ್ ಬಳಿ ತೆರಳಿದ್ದಾರೆ. ಈ ವೇಳೆ ಡಾ. ಚೇತನ್ ಕಷ್ಟ ಅಂತ ಬಂದವರಿಗೆ ಇದು ಲಾಡ್ಜ್ ಅಲ್ಲ.. ಇಲ್ಲಿಂದ ಹೋಗ್ತಿರಿ ಎಂದು ಮಹಿಳಾ ರೋಗಿಯ ಸಂಬಂಧಿಕರ ಜೊತೆ ಅನುಚಿತವಾಗಿ ವರ್ತಿಸಿದ್ದಾರೆ ಎಂಬ ಆರೋಪ ಕೇಳಿಬಂದಿದೆ.
ಸರ್ಕಾರಿ ಆಸ್ಪತ್ರೆಯ ವೈದ್ಯನ ಈ ದರ್ಪಕ್ಕೆ ವ್ಯಾಪಕ ಆಕ್ರೋಶ ವ್ಯಕ್ತವಾಗಿದೆ. ಮಹಿಳೆ ವಾಂತಿಯಿಂದ ಬಳಲುತ್ತಿದ್ದು, ಅಡ್ಮಿಟ್ ಆಗ್ಬೇಕಾ.. ಬೇಡ್ವಾ.. ಅಂತ ಕೇಳಿದ್ದೇ ತಪ್ಪಾಗೋಯ್ತು ಎಂದು ಅಳಲು ತೋಡಿಕೊಂಡಿದ್ದಾರೆ. ಈ ವೈದ್ಯ ಚೇತನ್ ಪ್ರತಿನಿತ್ಯ ರೋಗಿಗಳ ಜೊತೆ ಕಿರಿಕ್ ಮಾಡ್ತಾನೆ ಅನ್ನೋ ಆರೋಪಗಳು ಕೇಳಿ ಬಂದಿವೆ. ವೈದ್ಯನ ವಿರುದ್ಧ ಸೂಕ್ತ ಕ್ರಮ ಕೈಗೊಳ್ಳಬೇಕೆಂದು ರೋಗಿಯ ಸಂಬಂಧಿಕರು ಆಗ್ರಹಿಸಿದ್ದಾರೆ.
