ಬೆಂಗಳೂರು : ದೇವಸ್ಥಾನದ ಹುಂಡಿಗಳನ್ನ ಕಳ್ಳತನ ಮಾಡುತ್ತಿದ್ದ ಆರೋಪಿಗಳನ್ನ ಬಂಧಿಸುವಲ್ಲಿ ಅಮೃತಹಳ್ಳಿ ಪೊಲೀಸರು ಯಶಸ್ವಿಯಾಗಿದ್ದಾರೆ.
ಕಬ್ಬಾಳು ಅಲಿಯಾಸ್ ಚಂದು, ಕುಮಾರ ಬಜಾಕ್, ಮಂಜ, ವಿಜಯಕುಮಾರ, ಬಸವ, ಪಿಚ್ವಗುನ್ನ ಬಂಧಿತ ಆರೋಪಿಗಳು, ರಾತ್ರಿ ವೇಳೆ ದೇವಸ್ಥಾನಗಳ ಬಾಗಿಲುಗಳನ್ನ ಮೀಟಿ ಕಳ್ಳತನ ಮಾಡ್ತಿದ್ರು. ಬಂಧಿತರಿಂದ ಬೆಲೆಬಾಳುವ ಚಿನ್ನಾಭರಣ, ನಗದು ಹಣ, ಮೂರು ಬೈಕ್ಗಳನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ.
ಬಂಧಿತ ಆರೋಪಿಗಳ ವಿರುದ್ಧ ಒಟ್ಟು 10 ಪ್ರಕರಣಗಳು ದಾಖಲಾಗಿದ್ದು, ಅಮೃತಹಳ್ಳಿ ಠಾಣೆಯಲ್ಲಿ1, ದೇವನಹಳ್ಳಿ ಠಾಣೆಯಲ್ಲಿ 3, ಚಿಕ್ಕಮಗಳೂರು ಠಾಣೆ 2, ದಾವಣಗೆರೆ ಠಾಣೆ 2, ಚಿತ್ರದುರ್ಗ ಠಾಣೆ 1, ಮಹದೇವಪುರ ಠಾಣೆ 1 ಪ್ರಕರಣ ಪತ್ತೆಯಾಗಿದ್ದು, ಪೊಲೀಸರಿಂದ ತನಿಖೆ ಮುಂದುವರೆದಿದೆ.
