ದೂರು ಬರಲಿ, ಕಾನೂನಿನಂತೆ ಎಸ್​ಐಟಿ ಕ್ರಮ ಕೈಗೊಳ್ಳುತ್ತದೆ; ಸಚಿವ ಬೊಮ್ಮಾಯಿ

ಯುವತಿ ದೂರು ಕೊಡಲಿ, ಎಸ್​ಐಟಿ ಕಾನೂನಾತ್ಮಕವಾಗಿ ಪರಿಶೀಲಿಸುತ್ತದೆ. ಯಾರೇ ದೂರು ನೀಡಿದರೂ ಎಸ್​ಐಟಿ ತಂಡ ನೋಡಿಕೊಳ್ಳುತ್ತದೆ. ಇನ್ನೂ ಯುವತಿ ತಂದೆ-ತಾಯಿ ಎಲ್ಲಿದ್ದಾರೆ ಎಂಬುದನ್ನು ನೋಡಿಕೊಂಡು ಅಲ್ಲೇ ರಕ್ಷಣೆಕೊಡಲಾಗುತ್ತದೆ ಎಂದು ಗೃಹಸಚಿವ ಬಸವರಾಜ ಬೊಮ್ಮಾಯಿ ಹೇಳಿದ್ದಾರೆ.

ಬೆಂಗಳೂರು: ಸಿಡಿ ಪ್ರಕರಣದ ಯುವತಿಯಿಂದ ಮೂರನೇ ವಿಡಿಯೋ ರಿಲೀಸ್ ಆದ ವಿಚಾರಕ್ಕೆ ಸಂಬಂಧಿಸಿದಂತೆ ಪ್ರತಿಕ್ರಿಯಿಸಿರುವ ಗೃಹಸಚಿವ ಬಸವರಾಜ ಬೊಮ್ಮಾಯಿ ಅವರು, ನಾನು‌ ಮೀಟಿಂಗ್​ನಲ್ಲಿದ್ದೆ, ಹಾಗಾಗಿ ವಿಡಿಯೋ ಬಗ್ಗೆ ಗೊತ್ತಾಗಲಿಲ್ಲ ಎಂದಿದ್ದಾರೆ.

ವಕೀಲರ ಮೂಲಕ ಯುವತಿ ದೂರು ಸಲ್ಲಿಕೆ ಮಾಡುವ ವಿಚಾರಕ್ಕೆ ಸಂಬಂಧಿಸಿದಂತೆ ಪ್ರತಿಕ್ರಿಯಿಸಿದ ಅವರು, ದೂರು ಕೊಡಲಿ, ಕಾನೂನಾತ್ಮಕವಾಗಿ ಎಸ್​ಐಟಿ ಪರಿಶೀಲಿಸುತ್ತದೆ. ಯಾರೇ ದೂರು ನೀಡಿದರೂ ಎಸ್​ಐಟಿ ತಂಡ ನೋಡಿಕೊಳ್ಳುತ್ತದೆ ಎಂದಿದ್ದಾರೆ.

ಯುವತಿ ತಂದೆ-ತಾಯಿಗೆ ರಕ್ಷಣೆ ಕೊಡುವ ಸಂಬಂಧ ನಾನು ಈಗಾಗಲೇ ಹೇಳಿದ್ದೇನೆ, ಅವರು ಎಲ್ಲಿದ್ದಾರೆ ಎಂಬುದನ್ನು ನೋಡಿಕೊಂಡು ಅಲ್ಲೇ ರಕ್ಷಣೆಕೊಡಲಾಗುತ್ತದೆ. ಅಧಿಕಾರಿಗಳಿಗೆ ಈ ಬಗ್ಗೆ ಸೂಚಿಸಿದ್ದೇನೆ ಎಂದು ಸಚಿವರು ತಿಳಿಸಿದರು.