ಬೆಂಗಳೂರು: ದಶಕಗಳಿಂದ ಬಳಸುತ್ತಿರುವ ಬಿಎಸ್ಎನ್ಎಲ್ ಸೇವೆಯಿಂದ ಇದೀಗ ರಿಲಾಯನ್ಸ್ ಜಿಯೋಗೆ ಪೋರ್ಟ್ ಆಗುವಂತೆ ಪೊಲೀಸ್ ಇಲಾಖೆಗೆ ರಾಜ್ಯ ಸರ್ಕಾರ ಸುತ್ತೋಲೆ ಹೊರಡಿಸಿದೆ. ರಾಜ್ಯದೆಲ್ಲೆಡೆ ಸರಿಯಾಗಿ ನೆಟ್ವರ್ಕ್ ಸಿಗುತ್ತಿಲ್ಲ ಎಂಬ ಕಾರಣಕ್ಕೆ ಮಹತ್ವದ ನಿರ್ಧಾರ ಕೈಗೊಂಡಿದ್ದು ಮುಂದಿನ ದಿನಗಳಲ್ಲಿ ಈ ವಿಷಯ ಚರ್ಚೆಗೆ ಗ್ರಾಸವಾಗುವ ಸಾಧ್ಯತೆಯಿದೆ.
ಪೊಲೀಸ್ ಇಲಾಖೆಯಲ್ಲಿ ಒಟ್ಟು 38,347 ಬಿಎಸ್ಎನ್ಎಲ್ ನಂಬರ್ ಬಳಸಲಾಗುತ್ತಿದೆ. ಪೋರ್ಟ್ ಮಾಡುವ ಮುನ್ನ ಕೆಲವು ಷರತ್ತುಗಳನ್ನು ಪಾಲಿಸಬೇಕೆಂದು ಹೇಳಲಾಗಿದೆ. ಹಂತಹಂತವಾಗಿ ಜಿಯೊ ನಂಬರ್ಗಳಿಗೆ ಪೋರ್ಟ್ ಮಾಡಬೇಕು. ಅಲ್ಲದೇ, ಬಾಕಿಯಿರುವ ಹಣ ಪಾವತಿಸಬೇಕು. ಈ ಸಂಬಂಧಿತ ಅಧಿಕಾರಿಗಳ ಗಮನಕ್ಕೆ ತರಬೇಕೆಂದು ತಿಳಿಸಲಾಗಿದೆ.
ಇನ್ಸ್ಪೆಕ್ಟರ್‌ ರಿಂದ ಹಿಡಿದು ಡಿಜಿವರೆಗೂ ಎಲ್ಲಾ ಹಂತದ ಪೊಲೀಸರು ಸರ್ಕಾರ ನೀಡಿದ್ದ ಬಿಎಸ್ಎನ್ಎಲ್ ಸಿಮ್ ಅನ್ನೇ ದಶಕಗಳಿಂದ ಉಪಯೋಗ ಮಾಡುತ್ತಿದ್ದರು. ಸದ್ಯ ಸರಿಯಾದ ನಿರ್ವಹಣೆ ಇಲ್ಲದೇ ಬಿಎಸ್ಎನ್ಎಲ್ ಮೂಲೆಗುಂಪಾಗಿದ್ದು ಇದೇ ಕಾರಣಕ್ಕೆ ಸರ್ಕಾರ ತಮ್ಮ ಸಿಮ್‌ಗಳನ್ನು ಬಿಎಸ್ಎನ್ಎಲ್ ಬಿಟ್ಟು ಜಿಯೊಗೆ ಪೋರ್ಟ್ ಆಗಲು ಮುಂದಾಗಿದೆ.
ಇದನ್ನೂ ಓದಿ: ಬೇಲೂರು ಸಕಲೇಶಪುರ ರೈಲ್ವೆ ಮಾರ್ಗ ಕೈಬಿಟ್ಟಿರುವ ಕ್ರಮ ಪ್ರಶ್ನಿಸಿದ್ದ ಸಾರ್ವಜನಿಕ ಅರ್ಜಿ ವಜಾಗೊಳಿಸಿದ ಹೈಕೋರ್ಟ್
