ಬೆಂಗಳೂರಿನ ಗಲಭೆ ದೃಶ್ಯ ಫೇಸ್‌ಬುಕ್ ಲೈವ್​ನಲ್ಲಿ ಶೇರ್?: ಆರೋಪಿಯ ಪತ್ತೆಗೆ ಖಾಕಿ ಜಾಲ

ಬೆಂಗಳೂರಿನ ಗಲಭೆಯ ನೇರ ದೃಶ್ಯವನ್ನು ಸಾವಿರಾರು ಜನರಿಗೆ ಫೇಸ್ ಬುಕ್ ಲೈವ್ ಮಾಡಿ, ತಲೆಮರೆಸಿಕೊಂಡಿದ್ದಾನೆ ಎಂದು ಹೇಳಲಾಗುತ್ತಿರುವ ವ್ಯಕ್ತಿಯ ಪತ್ತೆಗಾಗಿ ಪೊಲೀಸರು‌ ಮುಂದಾಗಿದ್ದಾರೆ.

ಬೆಂಗಳೂರು: ಡಿ.ಜೆ.ಹಳ್ಳಿ ಹಾಗೂ ಕೆ.ಜಿ.ಹಳ್ಳಿಯಲ್ಲಿ ಗಲಭೆ ಪ್ರಕರಣಕ್ಕೆ ಸಂಬಂಧಿಸಿಂತೆ, ಗಲಭೆಯ ನೇರ ದೃಶ್ಯವನ್ನು ಸಾವಿರಾರು ಜನರಿಗೆ ಫೇಸ್ ಬುಕ್ ಲೈವ್ ಮಾಡಿ ತಲೆಮರೆಸಿಕೊಂಡಿದ್ದಾನೆ ಎಂದು ಹೇಳಲಾಗುತ್ತಿರುವ ಸೊಹೈಲ್ ಖಾನ್ ಎಂಬಾತನ ಪತ್ತೆಗಾಗಿ ಪೊಲೀಸರು‌ ಮುಂದಾಗಿದ್ದಾರೆ.

ಆಗಷ್ಟ್​ 11ರ ರಾತ್ರಿ ನಡೆದ ಡಿ.ಜೆ.ಹಳ್ಳಿ ಠಾಣೆ ಮುಂದೆ ನಡೆದ ಗಲಭೆ ದೃಶ್ಯವನ್ನು, ಫೇಸ್​​ಬುಕ್​​ನಲ್ಲಿ ವಿಡಿಯೋ ಮಾಡಿ ನಮ್ಮ ಧರ್ಮದ ಕೆಲಸ ಎಲ್ಲರೂ ಕೈ ಜೋಡಿಸಿ ಅಂತ ಕರೆ ನೀಡಿದ್ದಾನೆ ಎಂದು ಹೇಳಲಾಗಿದೆ. ಧರ್ಮ ಅವಹೇಳನ ಮಾಡಲಾಗಿದ್ದು, ಪೊಲೀಸರಿಂದ ನ್ಯಾಯ ಅಸಾಧ್ಯ ಹೀಗಾಗಿ ಎಲ್ಲರೂ ಕೈ ಜೋಡಿಸಿ ಎಂದಿದ್ದಾನೆ‌‌ ಎನ್ನಲಾಗಿದೆ.

ಸೊಹೈಲ್​​ಗೆ 60 ಸಾವಿರ ಫಾಲೋವರ್ಸ್​​ಗಳಿದ್ದಾರೆ ಎಂದು ತಿಳಿದು ಬಂದಿದ್ದು, ಪೊಲೀಸರು ಶೋಧ‌ ನಡೆಸುತ್ತಿದ್ದಾರೆ.