ಬೆಂಗಳೂರು: ನನಗೆ ಕನ್ನಡ ಬರಲ್ಲ. ತುಳುವಿನಲ್ಲಿ ಪ್ರಶ್ನೆ ಕೇಳಿ, ನನಗೆ ಮೀನೂಟ, ಡ್ರಿಂಕ್ಸ್ ಇಲ್ಲದೆ ನಿದ್ದೆ ಬರುವುದಿಲ್ಲ, ಮೀನು ಊಟ ಕೊಟ್ಟರೆ ಮಾತ್ರ ಪ್ರಶ್ನೆಗೆ ಉತ್ತರಿಸುತ್ತೇನೆ ಎಂದು ತನಿಖಾಧಿಕಾರಿಗಳನ್ನು ಡಾನ್ ರವಿ ಪೂಜಾರಿ ಪೀಡಿಸುತ್ತಿದ್ದಾನೆ.
ರವಿ ಪೂಜಾರಿಯ ತನಿಖೆ ಅತ್ಯಂತ ಪ್ರಮುಖವಾಗಿರುವ ಕಾರಣ ಆತನ ಭಾಷೆಗೆ ಒಗ್ಗುವ ಅಧಿಕಾರಿಗಳನ್ನು ಹಿರಿಯ ಅಧಿಕಾರಿಗಳು ಬಿಟ್ಟಿದ್ದು ತನಿಖೆ ನಡೆಸುವಾಗ ಆತನ ಎಲ್ಲಾ ಹೇಳಿಕೆಗಳನ್ನು ವಿಡಿಯೋ ಮಾಡಿಕೊಳ್ಳುತ್ತಿದ್ದಾರೆ.
ಈ ನಡುವೆ ತನಿಖಾಧಿಕಾರಿಗಳು ಪ್ರಶ್ನಿಸಿದಾಗ ತನ್ನನ್ನು ಯಾವುದೇ ಕಾರಣಕ್ಕೂ ಮುಂಬೈ, ಪೊಲೀಸರ ವಶಕ್ಕೆ ನೀಡಬೇಡಿ ಎಂದು ಅಂಗಲಾಚುತ್ತಿದ್ದಾನೆ. ದಾವೂದ್ ಗುಂಪಿನ 21ಜನರನ್ನು ಹತ್ಯೆ ಮಾಡಿದ್ದು ಈ ಸಂಧರ್ಭದಲ್ಲಿ ದಾವೂದ್ ಗುಂಪಿನವರು ತನ್ನ ಮೇಲೆ ಸೇಡು ತೀರಿಸಿಕೊಳ್ಳುವ ಅಪಾಯವಿದೆ. ನನ್ನ ಹತ್ಯೆಗೆ ಸ್ಕೆಚ್ ಹಾಕಿದ್ದಾರೆ ಎಂದು ಪೂಜಾರಿ, ಪೊಲೀಸರ ಮುಂದೆ ಬೇಡಿಕೊಂಡಿದ್ದಾನೆ.
ರವಿ ಪೂಜಾರಿಯನ್ನ ಮುಂಬೈ ಪೊಲೀಸರು ಹಸ್ತಾಂತರಿಸುವಂತೆ ಕೇಳಿಕೊಂಡಿದ್ದು, ಈಗಾಗಲೇ ಕರ್ನಾಟಕದಲ್ಲಿ 47 ಕೇಸ್ಗಳು ಪೂಜಾರಿ ಮೇಲಿವೆ. ಅದರಲ್ಲಿ 23 ಕೇಸ್ಗಳನ್ನು ಸಿಸಿಬಿ ತನಿಖೆ ನಡೆಸುತ್ತಿದೆ. ಹೀಗಾಗಿ ಕೇಸುಗಳ ತನಿಖೆ ನಡೆಸಿ ಹಸ್ತಾಂತರಿಸಲು ಮುಂದಾಗಿದೆ. ಎಂದು ಈಟಿವಿ ಭಾರತ್ಗೆ ಪೊಲೀಸ್ ಮೂಲಗಳು ತಿಳಿಸಿವೆ.
