ಬೆಂಗಳೂರು: ಅದ್ಧೂರಿಯಾಗಿ ದೆಹಲಿ, ಬೆಂಗಳೂರಲ್ಲಿ ನಡೆಯಬೇಕಾಗಿದ್ದ ಮೂರು ದಿನದ ಮದುವೆ, ಲಾಕ್ಡೌನ್ನಿಂದ ಕೇವಲ ಎರಡು ಗಂಟೆಯಲ್ಲಿ ವಧುವಿನ ಮನೆಯಲ್ಲೇ ಸರಳವಾಗಿ ನಡೆಸಲಾಗಿದೆ. ಅವರ ಮನೆಯವರು, ಸಂಬಂಧಿಕರು, ಕುಟುಂಬಸ್ಥರು ಆನ್ಲೈನ್ ಮೂಲಕ 9 ಸ್ಥಳಗಳಿಂದ ಮದುವೆ ವೀಕ್ಷಿಸಿದ್ದಾರೆ.
ಇಂಡಿಗೋ ಪೈಲೆಟ್ ಆಗಿರುವ ಸಮೀರ್ ವರ್ಮಾ ಎಂಬುವವರು, ಆಕ್ಸೆಂಚರ್ನಲ್ಲಿ ಕೆಲಸ ಮಾಡುವ ಆಯುಷಿ ಕಟಾರಿಯ ಅವರನ್ನು ಗುರುಗ್ರಾಮದಲ್ಲಿ ಮದುವೆಯಾಗಿದ್ದಾರೆ. ಕೇವಲ ಫೋಟೋಗ್ರಾಫರ್, ಅರ್ಚಕ, ಮದುವೆ ಹೆಣ್ಣಿನ ಅಪ್ಪ-ಅಮ್ಮ ಹಾಗೂ ಅಣ್ಣನ ಉಪಸ್ಥಿತಿಯಲ್ಲಿ ಮದುವೆ ನಡೆಸಲಾಗಿದೆ. ಲಾಕ್ಡೌನ್ಗೆ ಮುಂಚಿತವಾಗಿಯೇ ವಿವಾಹ ಸಿದ್ಧತೆಗಳು ನಡೆದಿದ್ದು, ನೂರಾರು ಅತಿಥಿಗಳೊಂದಿಗೆ, ಆಸ್ಟ್ರೇಲಿಯಾ, ಬೆಲ್ಜಿಯಂಗಳಿಂದ ಸಂಬಂಧಿಕರು ಆಗಮಿಸಬೇಕಿತ್ತು.
ಮೊದಲೇ ಪ್ಲಾನ್ ಮಾಡಿದ್ದಂತೆ, ದೆಹಲಿ ರೆಸಾರ್ಟ್ನಲ್ಲಿ ಮೇ 6ಕ್ಕೆ ಮದುವೆ ನಿಗದಿ ಮಾಡಲಾಗಿತ್ತು. ಲಾಕ್ ಡೌನ್ ಮುಂದುವರಿದ ಕಾರಣ ವರನ ತಂದೆ ತಾಯಿ, ಅಲ್ಲೇ ಮದುವೆ ನಡೆಸುವಂತೆ ತಿಳಿಸಿದ್ದಾರೆ. ಈ ಹಿನ್ನೆಲೆ ಮದುವೆ ನಡೆದಿದ್ದು, 35 ಅತಿಥಿಗಳು ವಿವಿಧ ರಾಜ್ಯಗಳಿಂದ ಆನ್ಲೈನ್ ಮೂಲಕ ವೀಕ್ಷಿಸಿದ್ದಾರೆ.
