ಸಾಫ್ಟ್‌ವೇರ್​​​ ಕೆಲಸಕ್ಕೆ‌ ಗುಡ್​​​ ಬೈ ಹೇಳಿ ಯುಪಿಎಸ್​ಸಿ ಪಾಸ್​​​ ಮಾಡಿದ ಧಾರವಾಡದ ಕುವರಿ!

ನಿವೇದಿತಾ ಅವರು ಯುಪಿಎಸ್​ಸಿ ಪರೀಕ್ಷೆಯಲ್ಲಿ ಮೊದಲ ಸಲ ಪ್ರಯತ್ನಿಸಿದಾಗ ಎರಡು ಮೂರು ಅಂಕದಿಂದ ಮಿಸ್ ಆಗಿತ್ತು. ‌ಆದರೆ ಎರಡನೇ ಬಾರಿಗೆ ಸತತ ಪ್ರಯತ್ನದಿಂದ ಯುಪಿಎಸ್​ಸಿ ಪಾಸ್ ಮಾಡಿ 303ನೇ ರ‍್ಯಾಂಕ್ ಪಡೆದಿದ್ದಾರೆ.

ಬೆಂಗಳೂರು: ಧಾರವಾಡದ ಕುವರಿ ಸಾಫ್ಟ್​ವೇರ್ ಕೆಲಸಕ್ಕೆ ಬೈ ಬೈ ಹೇಳಿ, ಯುಪಿಎಸ್​ಸಿ ಪರೀಕ್ಷೆ ಬರೆದು ಪಾಸ್ ಆಗುವ ಮೂಲಕ ಕರ್ನಾಟಕದ ಹಿರಿಮೆ ಹೆಚ್ಚಿಸಿದ್ದಾರೆ.

ಹೌದು, ಇತ್ತೀಚೆಗೆ ಯುಪಿಎಸ್​ಸಿ ಪರೀಕ್ಷೆ ಫಲಿತಾಂಶ ಪ್ರಕಟಗೊಂಡಿದ್ದು, ಅದರಲ್ಲಿ 303ನೇ ರ‍್ಯಾಂಕ್​ ಪಡೆದು, ಎಲ್ಲರ ಮಚ್ಚುಗೆಗೆ ಕಾರಣರಾಗಿರೋದು ನಿವೇದಿತಾ ಎಸ್. ಬಾಲರೆಡ್ಡಿಯವರ್​ .

ಬೆಂಗಳೂರಿನಲ್ಲಿ ಬಿಎಸ್​ಎನ್‌ಎಲ್ ಕರ್ನಾಟಕ ವೃತ್ತದ ಉಪ ಪ್ರಧಾನ ವ್ಯವಸ್ಥಾಪಕ ಬಾಲರೆಡ್ಡಿಯವರ ಮಗಳಾದ ನಿವೇದಿತಾ ಮೂಲತಃ ಧಾರವಾಡದವರಾಗಿದ್ದು, ಸದ್ಯ ಬೆಂಗಳೂರಿನ ಜಯನಗರದಲ್ಲಿ ನೆಲೆಸಿದ್ದಾರೆ.

ಅಂದಹಾಗೆ ನಿವೇದಿತಾ ಅವರು ಯುಪಿಎಸ್​ಸಿ ಪರೀಕ್ಷೆಯಲ್ಲಿ ಮೊದಲ ಸಲ ಪ್ರಯತ್ನಿಸಿದಾಗ ಎರಡು ಮೂರು ಅಂಕದಿಂದ ಮಿಸ್ ಆಗಿತ್ತು. ‌ಆದರೆ ಎರಡನೇ ಬಾರಿಗೆ ಸತತ ಪ್ರಯತ್ನದಿಂದ ಯುಪಿಎಸ್​ಸಿ ಪಾಸ್ ಮಾಡಿ 303ನೇ ರ‍್ಯಾಂಕ್ ಪಡೆದಿದ್ದಾರೆ.

ಈ ಸಂತಸದ ಕ್ಷಣವನ್ನು ಈಟಿವಿ ಭಾರತ್​ನೊಂದಿಗೆ ಹಂಚಿಕೊಂಡ ಅವರು, ಮುಂದೆ ಯುಪಿಎಸ್​ಸಿ ಬರೆಯಲಿರುವ ಪರೀಕ್ಷಾರ್ಥಿಗಳಿಗೆ ಕೆಲವು ಸಲಹೆ ಸಹ ನೀಡಿದ್ದಾರೆ.