ಬೆಂಗಳೂರು : ಸಿಲಿಕಾನ್ ಸಿಟಿಯ ಜೆ.ಪಿ. ನಗರದ 7ನೇ ಫೇಸ್ನಲ್ಲಿನ ಬ್ರಿಗೇಡ್ ಮಿಲೇನಿಯಂ ಎನ್ಕ್ಲೇವ್ನಲ್ಲಿ 'ಭಾರತದ ಪ್ರಥಮ ಸಂಗೀತ ಸಂವಾದಿ ಸಂಗ್ರಹಾಲಯ'ವೊಂದು (ಇಂಡಿಯನ್ ಮ್ಯೂಸಿಕ್ ಎಕ್ಸ್ಪೀರಿಯನ್ಸ್) ಉದ್ಘಾಟನೆಗೊಂಡಿತು.
ಇಂಡಿಯನ್ ಮ್ಯೂಸಿಕ್ ಎಕ್ಸ್ಪೀರಿಯನ್ಸ್ (ಐಎಂಇ) ಅನ್ನೋದು ಭಾರತದ ಮೊದಲ ಸಂವಾದಿ ಸಂಗೀತ ವಸ್ತು ಸಂಗ್ರಹಾಲಯ. ಬ್ರಿಗೇಡ್ ಗ್ರೂಪ್ ಸಂಸ್ಕೃತಿ ಸಚಿವಾಲಯ, ಕೇಂದ್ರ ಮತ್ತು ರಾಜ್ಯ ಸರ್ಕಾರ ಸೇರಿದಂತೆ ಹಲವು ಕಾರ್ಪೋರೇಟ್ ಹಾಗೂ ಲೋಕೋಪಕಾರಿಗಳ ಸಹಕಾರದಿಂದ ಈ ಲಾಭರಹಿತ ಇಂಡಿಯನ್ ಮ್ಯೂಸಿಕ್ ಎಕ್ಸ್ಪೀರಿಯನ್ಸ್ ಟ್ರಸ್ಟ್ ಸ್ಥಾಪನೆಗೊಂಡಿದೆ.
ಇನ್ನು ಈ ಐಎಂಇಯು ಹೌಸ್ ಸ್ಟೇಟ್ ಆಫ್ ದಿ ಆರ್ಟ್ ಇಂಟರ್ ಆ್ಯಕ್ಟಿವ್ ಎಕ್ಸಿಬಿಟ್ ಎರಿಯಾ, ಸೌಂಡ್ ಗಾರ್ಡನ್, ಲರ್ನಿಂಗ್ ಸೆಂಟ್ ಎಂಬ ಮೂರು ವಿಭಾಗಗಳನ್ನು ಹೊಂದಿದೆ. ಎಕ್ಸಿಬಿಟ್ ಎರಿಯಾದ 8 ವಿಷಯಾಧರಿತ ಗ್ಯಾಲರಿಗಳು ಭಾರತೀಯ ಸಂಗೀತದ ವಿವಿಧ ಅಂಶಗಳನ್ನು ಪ್ರದರ್ಶಿಸುತ್ತದೆ. ಇನ್ನು ಇನ್ಸ್ಟ್ರುಮೆಂಟ್ ಗ್ಯಾಲರಿಯಲ್ಲಿ 100ಕ್ಕೂ ಹೆಚ್ಚು ಸಂಗೀತ ಉಪಕರಣಗಳ, ಮೂರು ಮಿನಿ ಥಿಯೇಟರ್ ಹಾಗೂ ಅನೇಕ ಕಂಪ್ಯೂಟರ್ ಆಧರಿತ ಸಂವಾದಾತ್ಮಕ ಅಳವಡಿಕೆಗಳು ಭೇಟಿ ನೀಡುವವರಿಗೆ ಸಂಗೀತದ ಪ್ರಕ್ರಿಯೆಯನ್ನು ಅನುಭವಿಸಲು ಅನುವು ಮಾಡಿಕೊಡುತ್ತದೆ.
ಮಾಜಿ ಮುಖ್ಯಮಂತ್ರಿ ಎಸ್.ಎಂ. ಕೃಷ್ಣ, ಲಾಸ್ ಏಂಜಲೀಸ್ನ ಗ್ರ್ಯಾಮಿ ಮ್ಯೂಸಿಯಂ ಸಂಸ್ಥಾಪಕ ಹಾಗೂ ಕಾರ್ಯ ನಿರ್ವಾಹಕರೂ ಆದ ರಾಬರ್ಟ್ ಸ್ಯಾಂಟೆಲ್ಲಿ ಉದ್ಘಾಟನಾ ಕಾರ್ಯಕ್ರಮದಲ್ಲಿ ಹಾಜರಿದ್ದರು.
