ಬೆಂಗಳೂರು: ವಿಲ್ (ಉಯಿಲು) ಸತ್ಯವಾಗಿರುವಾಗ ವಿಲ್ದಾರರು ಮಕ್ಕಳಿಗೆ ಆಸ್ತಿಯನ್ನು ಸಮಾನ ಹಾಗೂ ನ್ಯಾಯಯುತವಾಗಿ ಹಂಚಿಕೆ ಮಾಡಲಾಗಿದಿಯೇ ಎಂಬುದನ್ನು ಪರಿಶೀಲನೆ ಮಾಡುವುದಕ್ಕೆ ನ್ಯಾಯಾಲಯ ಮಧ್ಯ ಪ್ರವೇಶ ಮಾಡಲಾಗುವುದಿಲ್ಲ ಎಂದು ಹೈಕೋರ್ಟ್ ಅಭಿಪ್ರಾಯ ಪಟ್ಟಿದೆ.
ವಿಲ್ ಅನ್ನು ಹೊರತುಪಡಿಸಿ ಆಸ್ತಿಯನ್ನು ಸಮಾನ ಹಂಚಿಕೆ ಮಾಡಿ ವಿಚಾರಣಾ ನ್ಯಾಯಾಲಯ ನೀಡಿದ್ದ ಆದೇಶವನ್ನು ಪ್ರಶ್ನಿಸಿ ಎಸ್. ಕೃಷ್ಣರಾವ್ ಅವರು (ಅವರ ಕಾನೂನು ವಾರಸುದಾರರು) ಸಲ್ಲಿಸಿದ್ದ ಅರ್ಜಿ ವಿಚಾರಣೆ ನಡೆಸಿರುವ ನ್ಯಾಯಮೂರ್ತಿ ವಿ ಶ್ರೀಶಾನಂದ ಅವರಿದ್ದ ನ್ಯಾಯಪೀಠ ಈ ಅಭಿಪ್ರಾಯಪಟ್ಟಿದೆ. ಅಲ್ಲದೆ, ವಿಲ್ದಾರರ ಸಹಿ ನೈಜತೆ ಮತ್ತು ವಿಲ್ ಮಾಡಿಸಿದ ಸಂದರ್ಭದಲ್ಲಿ ಅವರು ಮಾನಸಿಕ ಸಾಮರ್ಥ್ಯ ಸರಿಯಾಗಿತ್ತೆ ಎಂಬುದನ್ನು ಮಾತ್ರ ಪರಿಶೀಲನೆಗೊಳಪಡಿಸಿಲಿದೆ. ಆದರೆ, ಸಂವಿಧಾನ ಪರಿಚ್ಛೇದ 14ರ ಪ್ರಕಾರ ಸಮಾನತೆ ಹಕ್ಕಿನ ಮಾದರಿಯಲ್ಲಿ ಆಸ್ತಿ ಹಂಚಿಕೆ ಆಗಿದಿಯೇ ಎಂದು ಪರಿಶೀಲನೆಗೊಳಪಡಿಸಲು ಸಾಧ್ಯವಿಲ್ಲ ಎಂದು ನ್ಯಾಯಪೀಠ ತಿಳಿಸಿದೆ.
ಸುಪ್ರೀಂಕೋರ್ಟ್ ಕವಿತಾ ಕನ್ವಾರ್ ಮತ್ತು ಪಮೆಲ ಮೆಹ್ತಾ ಮತ್ತಿತರರ ಪ್ರಕರಣ ಉಲ್ಲೇಖಿಸಿರುವ ನ್ಯಾಯಪೀಠ, ಈ ಪ್ರಕರಣದಲ್ಲಿ ವಿಲ್ದಾರರ ಸಹಿಯನ್ನು ಪರೀಕ್ಷೆ ಮಾಡಬಹುದು ಇಲ್ಲವೇ ವಿಲ್ ಮಾಡಿರುವವರು ಮಾನಸಿಕ ಸ್ಥಿಮಿತತೆಯನ್ನು ಸರಿಯಾಗಿತ್ತೇ ಎಂಬುದನ್ನು ಪರೀಕ್ಷೆಗೆ ಒಳಪಡಿಸಬಹುದಾಗಿದೆ. ಆದರೆ, ಆಸ್ತಿ ಹಂಚಿಕೆ ಮಾಡುವ ಹಕ್ಕು ವಿಲ್ದಾರರಿಗೆ ಇರಲಿದೆ. ಯಾರಿಗೆ ಎಷ್ಟು ಭಾಗ ಆಸ್ತಿ ನೀಡಬೇಕು ಎಂದು ವಿಲ್ದಾರರು ವಿವೇಚನೆಗೆ ಬಿಟ್ಟ ವಿಚಾರವಾಗಿದೆ. ಈ ವಿಚಾರದಲ್ಲಿ ನ್ಯಾಯಾಲಯ ಮಧ್ಯಪ್ರವೇಶಕ್ಕೆ ಅವಕಾಶ ಇರುವುದಿಲ್ಲ. ಜತೆಗೆ, ಈ ಸಂಬಂಧ ಸೂಚನೆ ನೀಡಲು ನ್ಯಾಯಾಲಯಕ್ಕೆ ಅಧಿಕಾರವಿಲ್ಲ ಎಂದು ಆದೇಶಿಸಿದೆ.
ವಿಲ್ (ಉಯಿಲು) ಸ್ಪಷ್ಟವಿದೆ ಎಂದು ತಿಳಿಸಿರುವ ಸಂದರ್ಭದಲ್ಲಿ ಅದಕ್ಕೆ ಪುರಾವೆಗಳನ್ನು ಹುಡುಕಬೇಕಾದ ಅಗತ್ಯವಿಲ್ಲ. ಈ ಪ್ರಕರಣದಲ್ಲಿ ವಿಲ್ನ ಸತ್ಯಾಸತ್ಯತೆಯನ್ನು ಪ್ರಶ್ನೆ ಮಾಡಿಲ್ಲ. ಇದಕ್ಕೆ ಸಂಬಂಧ ಪಟ್ಟದ ದಾಖಲೆಗಳನ್ನು ಹಾಜರು ಪಡಿಸಿ ನ್ಯಾಯಾಲಯದ ಮುಂದೆ ಪ್ರಶ್ನೆ ಮಾಡಬಹುದಾಗಿದೆ. ಹೀಗಾಗಿ ಅರ್ಜಿಯನ್ನು ವಜಾಗೊಳಿಸುತ್ತಿರುವುದಾಗಿ ನ್ಯಾಯಪೀಠ ತಿಳಿಸಿದೆ.
ಪ್ರಕರಣದ ಹಿನ್ನೆಲೆ ಏನು ? : ಮೂರ್ತಿ ರಾವ್ ಎಂಬುವವರು 1981ಕ್ಕೂ ಮುನ್ನ ಬದುಕಿಕ್ಕಾಗ ವಿಲ್ ಅನ್ನು ಬರೆದಿದ್ದಟಿದ್ದಾರೆ. ಅವರ ಪತ್ನಿ ರಂಗಮ್ಮ ಸಹಾ ಅದೇ ದಿನ ಸಹಿ ಹಾಕಿದ್ದಾರೆ. ಜತೆಗೆ, 1983ರಲ್ಲಿ ಮತ್ತೊಂದು ವಿಲ್ ಬರೆದಿಟ್ಟಿದ್ದಾರೆ. ಸ್ಥಿರಾಸ್ತಿಗಳನ್ನು ಮಗನ ಹೆಸರಿಗೆ ಮತ್ತು ಚರಾಸ್ತಿಗಳನ್ನು ಉಡುಪಿ ಅದಮಾರು ಮಠದ ಆಜ್ಞೆಯಂತೆ ಒಡಹುಟ್ಟಿದ ಮಕ್ಕಳ ನಡುವೆ ಹಂಚಿಕೆ ಮಾಡಿಕೊಳ್ಳಲು ವಿಲ್ನಲ್ಲಿ ತಿಳಿಸಿದ್ದರು. ಇದನ್ನು ಅರ್ಜಿದಾರರು ವಿಲ್ದಾರರ ಮಗಳು ವಿಚಾರಣಾ ನ್ಯಾಯಾಲಯದಲ್ಲಿ ಅರ್ಜಿ ಸಲ್ಲಿಸಿದ್ದರು. ಅರ್ಜಿ ವಿಚಾರಣೆ ನಡೆಸಿದ್ದ ನ್ಯಾಯಾಲಯ ಮೂರ್ತಿ ಮತ್ತು ರಂಗಮ್ಮನವರ ಆಸ್ತಿಗಳಲ್ಲಿ ನಾಲ್ಕು ಮಕ್ಕಳು ನಾಲ್ಕು ಭಾಗಗಳಾಗಿ ಸಮಾನವಾಗಿ ಹಂಚಿಕೆ ಮಾಡಿಕೊಳ್ಳಬೇಕು ಎಂದು ಆದೇಶಿಸಿದೆ. ಇದನ್ನು ಪ್ರಶ್ನಿಸಿ ಕೃಷ್ಣರಾವ್ ಹೈಕೋರ್ಟ್ ಮೆಟ್ಟಿಲೇರಿದ್ದರು.
ಇದನ್ನೂ ಓದಿ : ಅನಧಿಕೃತವಾಗಿ ಗೈರಾದವರ ವಿರುದ್ಧ ಶಿಸ್ತು ಕ್ರಮಕ್ಕೆ ಮುಂದಾಗದಿದ್ದಾಗ ವೇತನ ಪಾವತಿಸಬೇಕು: ಹೈಕೋರ್ಟ್
