ರೈತರ ಪ್ರತಿಭಟನಾ ಸ್ಥಳದಲ್ಲಿ ಪೊಲೀಸರ ಮೇಲೆ ಜೇನು ದಾಳಿ

ರೈತರ ಪ್ರತಿಭಟನಾ ಸ್ಥಳದಲ್ಲಿ ಪೊಲೀಸರ ಮೇಲೆ ಜೇನು ದಾಳಿ ನಡೆದಿರುವ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ.

ಬೆಂಗಳೂರು: ರೈತರ ಪ್ರತಿಭಟನಾ ಸ್ಥಳದಲ್ಲಿ ಪೊಲೀಸರ ಮೇಲೆ ಜೇನು ನೋಣಗಳು ದಾಳಿ ನಡೆಸಿರುವ ಘಟನೆ ಫ್ರೀಡಂ ಪಾರ್ಕ್ ಮುಂಭಾಗದಲ್ಲಿ ನಡೆದಿದೆ.

ಇಲ್ಲಿನ ರಸ್ತೆಯಲ್ಲಿ ಸಾಕಷ್ಟು ಮರಗಳಿದ್ದು, ಜೇನು ನೋಣಗಳು ಗೂಡುಗಳನ್ನು ಕಟ್ಟಿದ್ದವು. ಪ್ರತಿಭಟನೆಗೆ ಬಂದ ರೈತರಿಗೆ ಮತ್ತು ಕಾರ್ಮಿಕರಿಗೆ ಅಡುಗೆ ತಯಾರು ಮಾಡಲಾಗುತ್ತಿತ್ತು. ಈ ವೇಳೆ ಕಟ್ಟಿಗೆಗಳ ಹೊಗೆ ಎದ್ದಿದ್ದರಿಂದ ಜೇನುನೊಣಗಳು ಹಾರಾಡಲು ಆರಂಭಿಸಿದವು.

ಹೊಗೆಯಾಡಿದ ಪರಿಣಾಮ ಚದುರಿದ ಜೇನುನೊಣಗಳು ರೈತರ ವಿಧಾನಸೌಧ ಚಲೋ ತಡೆಯಲು ಭದ್ರತೆಗಾಗಿ ನಿಂತಿದ್ದ ಪೊಲೀಸರ ಮೇಲೆ ದಾಳಿ ಮಾಡಿದವು. ನೊಣಗಳು ಪೊಲೀಸರ ಬೆನ್ನತ್ತಿ ಮುಖ, ಕುತ್ತಿಗೆ, ತಲೆ ಭಾಗಕ್ಕೆ ಕಚ್ಚಿ ಗಾಯಗೊಳಿಸಿವೆ.