ಬೆಂಗಳೂರಲ್ಲಿ ಧಾರಾಕಾರ ಮಳೆ....ರಸ್ತೆಗಳಲ್ಲಿ ನಿಂತ ನೀರು

ನಿನ್ನೆ ರಾತ್ರಿಯಿಂದ ರಾಜಧಾನಿಯಲ್ಲಿ ಧಾರಾಕಾರ ಮಳೆ ಸುರಿದಿದ್ದು, ಸದ್ಯ ರಸ್ತೆಗಳಲ್ಲಿ ನೀರು ನಿಂತಿದೆ. ನಿಂತ ನೀರಲ್ಲಿ ವಾಹನಗಳು ವೇಗವಾಗಿ ಸಾಗಿ ನೀರು ಚಿಮ್ಮಿಸುವ ದೃಶ್ಯಗಳು ಎಲ್ಲೆಡೆ ಕಂಡು ಬಂದಿವೆ.

ಆನೇಕಲ್: ನಿನ್ನೆ ತಡ ರಾತ್ರಿಯಿಂದ ಸುರಿದ ಧಾರಾಕಾರ ಮಳೆ ಬೆಳಗ್ಗೆಯೂ ಮುಂದುವರೆದಿದ್ದು, ಸದ್ಯ ರಸ್ತೆಗಳಲ್ಲಿ ನೀರು ನಿಂತಿದೆ.

ಆನೇಕಲ್, ಬನ್ನೇರುಘಟ್ಟ, ಬೇಗೂರು, ಹುಳಿಮಾವು, ಎಲೆಕ್ಟ್ರಾನಿಕ್​ ಸಿಟಿ, ಸರ್ಜಾಪುರ ಅತ್ತಿಬೆಲೆ ಭಾಗಗಳಲ್ಲಿಯೂ ಮಳೆ ಸುರಿದಿದೆ. ಜನರಿಲ್ಲದೇ ರಸ್ತೆಗಳು ಮಳೆ ನೀರಿಗೆ ತೋಯ್ದು ಸ್ವಚ್ಛವಾಗಿ ಕಾಣತೊಡಗಿವೆ. ರಸ್ತೆಗಳಲ್ಲಿ ನಿಂತ ನೀರಲ್ಲಿ ವಾಹನಗಳು ವೇಗವಾಗಿ ಸಾಗಿ ನೀರು ಚಿಮ್ಮಿಸುವ ದೃಶ್ಯಗಳು ಕಂಡು ಬಂದವು.