ನಟಿ ಹರಿಪ್ರಿಯಾರ ಬೇಬ್​ ನೋಸ್​ ನಾಟ್​ ಎವ್ರಿಥಿಂಗ್​ ವೆಬ್​ಸೈಟ್​​ ಆರಂಭ

ನಟಿ ಹರಿಪ್ರಿಯಾರಿಂದ ಬೇಬ್ ನೋಸ್ ಕನ್ನಡ ಹಾಗೂ ಆಂಗ್ಲ ಭಾಷೆಯಲ್ಲಿ ಒಂದು ವೆಬ್​ಸೈಟ್ ಆಗಿ ಮೂಡಿಬಂದಿದೆ.

ಬೆಂಗಳೂರು: 25 ಸಿನಿಮಾಗಳ ಕನ್ನಡದ ಜನಪ್ರಿಯ ನಟಿ ಹರಿಪ್ರಿಯಾ ಅವರು ಪ್ರಿಯವಾದ ಕೆಲಸವನ್ನು ಕೈಗೆತ್ತಿಕೊಂಡಿದ್ದಾರೆ. ಅದೇ ಬರವಣಿಗೆಯಾಗಿದೆ. ಅದನ್ನು ಈಗ ಬೇಬ್ ನೋಸ್ ನಾಟ್ ಎವ್ರಿಥಿಂಗ್(Babe Knows not everything) ಅಡಿಯಲ್ಲಿ ತರುತ್ತಿದ್ದಾರೆ.

ಹರಿಪ್ರಿಯಾ ಅವರಿಗೆ ಈ ಲಾಕ್ ಡೌನ್ ಸಂದರ್ಭದಲ್ಲಿ ಈ ಕೆಲಸಕ್ಕೆ ಹೆಚ್ಚು ಸಮಯ ಸಿಕ್ಕಿದ್ದು, ದಿವಸಕ್ಕೆ ಒಂದು ಅನಿಸಿಕೆಗಳನ್ನು ಪುಟ್ಟ ಲೇಖನದಲ್ಲಿ ಹರಿ ಬಿಡಲಿದ್ದಾರೆ. ಬೇಬ್ ನೋಸ್ ಕನ್ನಡ ಹಾಗೂ ಆಂಗ್ಲ ಭಾಷೆಯಲ್ಲಿ ಒಂದು ವೆಬ್​ಸೈಟ್ ಆಗಿ ಮೂಡಿಬಂದಿದೆ. ಅದರಲ್ಲಿ ಈಗಾಗಲೇ ಮೇಕಪ್ ಇಲ್ಲದೆಯು ಪ್ರಿಯವಾಗಿ ಕಾಣಿಸಬಹುದು, ಯಾಕೆ ವರಿ ಕಮಾನ್ ಹರಿಅಪ್ ಮತ್ತು ಗಮನಿಸದೆ ಇರುವುದನ್ನು ಗಮನಿಸುವುದು ಎಂಬ ಶೀರ್ಷಿಕೆಯಲ್ಲಿ ಹರಿಪ್ರಿಯಾ ತಮ್ಮ ಅನಿಸಿಕೆ ವ್ಯಕ್ತಪಡಿಸಿದ್ದಾರೆ. ಹಾಗೆ ಕೆಲವರಿಗೆ ಹಿತ ವಚನ ಸಹ ಹೇಳಿದ್ದಾರೆ.

ಒಬ್ಬ ನಟಿಯಾಗಿ ತಮ್ಮದೇ ಆದ ವೆಬ್​ಸೈಟ್​ನ್ನು ಸ್ಥಾಪಿಸಿ ಅದನ್ನು ವಿಚಾರ ವಿಮರ್ಶೆಗೆ ಬಳಸಿಕೊಳ್ಳುತ್ತಿರುವ ಮೊದಲ ನಟಿ ಹರಿಪ್ರಿಯಾ. ಕನ್ನಡದಲ್ಲಿ ಕೆಲವು ನಟಿಯರು ತಮ್ಮ ಬ್ಲಾಗ್ ಓಪನ್ ಮಾಡಿ ಅನೇಕ ವಿಚಾರಗಳನ್ನು ಹೇಳಿಕೊಳ್ಳುತ್ತಿದ್ದಾರೆ. ಕೆಲವರು ಫೇಸ್ ಬುಕ್, ಟ್ವಿಟ್ಟರ್ ಅಕೌಂಟ್​ನಲ್ಲಿ ತಮ್ಮ ಅನಿಸಿಕೆ ಹೇಳಿಕೊಳ್ಳುತ್ತಿದ್ದಾರೆ.

ಹರಿಪ್ರಿಯಾ ಪೋಸ್ಟ್​ ಮಾಡಿರುವ ಕನ್ನಡದಲ್ಲಿರುವ ಬರಹಗಳಲ್ಲಿ ಕೊರೊನಾ ವೈರಸ್ 19 ಬಗ್ಗೆ ಸಹ ಪ್ರಸ್ತಾಪವಿದೆ. ನನ್ನಂತಹ ಕೆಲಸ ಮಾಡುತ್ತಲೇ ಇರುವ ವ್ಯಕ್ತಿಗಳಿಗೆ ಈ ಬಂಧನ ಕಷ್ಟಕರವಾದದ್ದು ಎಂದು ಅಭಿಪ್ರಾಯ ಪಟ್ಟಿದ್ದಾರೆ.