ಕೆಲಕಾಲ ಕೈ ಕೊಟ್ಟ ಚಿತಾಗಾರದ ಯಂತ್ರ.. ಹೆಚ್ಚಾಯ್ತು ಶವಹೊತ್ತ ಆ್ಯಂಬುಲೆನ್ಸ್ ಸಾಲು

ನಿನ್ನೆ ತಡರಾತ್ರಿ 2ರ ವರೆಗೂ ಶವಸಂಸ್ಕಾರ ನಡೆಸಲಾಗಿತ್ತು. ಇದರಿಂದಾಗಿ ಚಿತಾಗಾರದ ಯಂತ್ರದಲ್ಲಿ ಹೊಗೆ ತುಂಬಿಕೊಂಡಿತ್ತು. ನಿರಂತರ ದೇಹ ದಹನದಿಂದ ಬಿಸಿಯಾಗಿದ್ದ ಯಂತ್ರವನ್ನು ಸಿಬ್ಬಂದಿ ತಣ್ಣಗಾಗಿಸಿದ ಬಳಿಕ ದುರಸ್ತಿ ಕಾರ್ಯ ಕೈಗೊಂಡರು.

ಬೆಂಗಳೂರು: ಬೆಳ್ಳಂ ಬೆಳಗ್ಗೆಯಿಂದಲೇ ಚಿತಾಗಾರದ ಮುಂದೆ ಆ್ಯಂಬುಲೆನ್ಸ್ ಸಾಲುಗಟ್ಟಿದ್ದು, ಸುಮನಹಳ್ಳಿ ಕ್ರಿಮ್ಯಾಟೋರಿಯಂ ಮುಂದೆ ಮೃತದೇಹ ಹೊತ್ತ ಆ್ಯಂಬುಲೆನ್ಸ್​ಗಳ ಸಾಲು ಇಂದೂ ಸಹ ಮುಂದುವರೆದಿದೆ.

ಆದರೆ, ಈ ವೇಳೆ ಚಿತಾಗಾರದ ಯಂತ್ರ ಹಾಳಾಗಿದ್ದು, ಕೆಲಕಾಲ ಅಂತ್ಯ ಸಂಸ್ಕಾರಕ್ಕೆ ತಡೆಯಾಗಿತ್ತು. ನಿನ್ನೆ ತಡರಾತ್ರಿ 2ರ ವರೆಗೂ ಶವಸಂಸ್ಕಾರ ನಡೆಸಲಾಗಿತ್ತು. ಇದರಿಂದಾಗಿ ಚಿತಾಗಾರದ ಯಂತ್ರದಲ್ಲಿ ಹೊಗೆ ತುಂಬಿಕೊಂಡಿತ್ತು. ನಿರಂತರ ದೇಹ ದಹನದಿಂದ ಬಿಸಿಯಾಗಿದ್ದ ಯಂತ್ರವನ್ನು ಸಿಬ್ಬಂದಿ ತಣ್ಣಗಾಗಿಸಿದ ಬಳಿಕ ದುರಸ್ತಿ ಕಾರ್ಯ ಕೈಗೊಂಡರು.