ಬೆಂಗಳೂರು : ಮದ್ಯ ಕುಡಿದ ಮತ್ತಿನಲ್ಲಿ ಅನುಚಿತ ವರ್ತನೆ ತೋರಿದ ಅಫ್ರಿಕನ್ ಮಹಿಳೆಯರನ್ನು ಪ್ರಶ್ನಿಸಲು ಮುಂದಾಗಿದ್ದ ಪೊಲೀಸರ ಮೇಲೆಯೇ ಹಲ್ಲೆ ನಡೆಸಿರುವ ಘಟನೆ ಕಬ್ಬನ್ ಪಾರ್ಕ್ ಪೊಲೀಸ್ ಠಾಣಾ ವ್ಯಾಪ್ತಿಯ ಬಿಗ್ರೇಡ್ ರಸ್ತೆಯಲ್ಲಿ ಭಾನುವಾರ ತಡರಾತ್ರಿ ನಡೆದಿದೆ.
ನೈಜೀರಿಯಾ ಮೂಲದ ಪೀಸ್ ಪರ್ನಾಷ್ ಹಾಗೂ ಜೂಲಿಯ ವಾಂಜೀರೋ ಸೇರಿದಂತೆ ಮೂವರು ಮಹಿಳೆಯರು ನಗರದ ಕಮ್ಮನಹಳ್ಳಿಯಲ್ಲಿ ವಾಸವಾಗಿದ್ದರು. ವೀಕೆಂಡ್ ಆಗಿದ್ದರಿಂದ ಬಿಗ್ರೇಡ್ ರೋಡ್ನಲ್ಲಿರುವ ಪಬ್ ಆ್ಯಂಡ್ ರಸ್ಟೋರೆಂಟ್ವೊಂದಕ್ಕೆ ಬಂದಿದ್ದರು. ಕಂಠಪೂರ್ತಿ ಕುಡಿದ ಮಹಿಳಾಮಣಿಗಳು ನಿಗದಿತ ಅವಧಿ ಮುಗಿದರೂ ಸ್ಥಳದಿಂದ ಹೋಗದೆ ಪಬ್ ಸಿಬ್ಬಂದಿ ಜೊತೆ ತಗಾದೆ ತೆಗೆದಿದ್ದರು. ಇದೇ ವೇಳೆ ರೌಂಡ್ಸ್ನಲ್ಲಿ ಹೊಯ್ಸಳ ಪೊಲೀಸರು ಗಮನಿಸಿ ವಿಚಾರಿಸಿದ್ದಾರೆ.