ಬೆಂಗಳೂರು: ಕೇಂದ್ರ ಸರ್ಕಾರದ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ನಡೆಸಿದ ರಾಷ್ಟ್ರೀಯ ಕುಟುಂಬ ಸ್ವಾಸ್ಥ್ಯ ಸರ್ವೆಯ ಕರ್ನಾಟಕದ ವರದಿ ಬಿಡುಗಡೆಯಾಗಿದ್ದು, ಮಹಿಳಾ ಸಬಲೀಕರಣ ಹಾಗೂ ಮಹಿಳೆಯರ ಮೇಲಾಗುತ್ತಿರುವ ದೌರ್ಜನ್ಯದ ಕುರಿತು ಅಂಕಿ - ಅಂಶಗಳನ್ನು ಬಿಡುಗಡೆ ಮಾಡಲಾಗಿದೆ.
ಮಹಿಳಾ ಸಬಲೀಕರಣದಲ್ಲಿ ಸ್ವಲ್ಪ ಮಟ್ಟಿನ ಚೇತರಿಕೆ ಕಂಡುಬಂದಿದ್ದು, ಮಹಿಳೆಯರ ಮೇಲಿನ ಕೌಟಿಂಬಿಕ ದೌರ್ಜನ್ಯದ ಪ್ರಮಾಣ ಅಪಾಯಕಾರಿ ಮಟ್ಟದಲ್ಲಿ ಏರಿಕೆಯಾಗಿದೆ.
ಮಹಿಳಾ ಸಬಲೀಕರಣ
2019-20. 2015-16
| ವಿಷಯ | 2015-16 (ಶೇ.) | 2019-20 (ಶೇ.) |
| ಸಾಮಾನ್ಯ ಮದುವೆಯಾದ ಮಹಿಳೆಯರು ತೆಗೆದುಕೊಳ್ಳುವ ನಿರ್ಧಾರಗಳ ಪ್ರಮಾಣ | 80.4 | 82.7 |
| 12 ತಿಂಗಳಲ್ಲಿ ಉದ್ಯೋಗಸ್ಥ ಹಾಗೂ ವೇತನ ಪಡೆಯುತ್ತಿರುವ ಮಹಿಳೆಯರು | 29.1 | 37 |
| ಭೂಮಿ ಅಥವಾ ಮನೆ ಹೊಂದಿರುವ ಸ್ತ್ರೀಯರು | 51.8 | 67.6 |
| ಬ್ಯಾಂಕ್ ಖಾತೆ ಅಥವಾ ಉಳಿತಾಯ ಹೊಂದಿರುವ ಮಹಿಳೆಯರು | 59.4 | 88.7 |
| ಮೊಬೈಲ್ ಹೊಂದಿರುವ ಸ್ತ್ರೀಯರು | 47.1 | 61.8 |
| ಋತುಕಾಲದಲ್ಲಿ ಸುರಕ್ಷತೆ ಹಾಗೂ ನೈರ್ಮಲ್ಯವಾಗಿರುವ ಮಹಿಳಾ ಪ್ರಮಾಣ | 70.3 | 84.2 |
ಮಹಿಳಾ ದೌರ್ಜನ್ಯ
| ವಿಷಯ | 2015-16 (ಶೇ.) | 2019-20 (ಶೇ.) |
| ಮದುವೆಯಾದ 18-49 ವರ್ಷದೊಳಗಿನ ಮಹಿಳೆಯರಿಗೆ ಕಿರುಕುಳ ಪ್ರಮಾಣ | 20.6 | 44.4 |
| 18-49 ವರ್ಷದೊಳಗಿನ ಗರ್ಭಿಣಿಯರಿಗೆ ದೈಹಿಕ ದೌರ್ಜನ್ಯ | 6.5 | 5.8 |
| 18-29 ವರ್ಷ ವಯಸ್ಸಿನ ಯುವತಿಯರಿಗೆ ಲೈಂಗಿಕ ಕಿರುಕುಳ | 10.3 | 11 |
ಕೆ.ಎಸ್ ವಿಮಲಾ
ಈ ಕುರಿತು ಮಾತನಾಡಿದ, ಜನವಾದಿ ಮಹಿಳಾ ಸಂಘಟನೆಯ ಕೆ.ಎಸ್ ವಿಮಲಾ, ಸರ್ಕಾರದ ಕೆಲವೊಂದು ಅಂಕಿ - ಅಂಶಗಳ ಕುರಿತು ಅನುಮಾನ ಉಂಟು ಮಾಡಿದೆ. ಕುಟುಂಬದಲ್ಲಿ ಮಹಿಳೆಯರು ಅನುಭವಿಸುತ್ತಿರುವ ಕಿರುಕುಳ ಪ್ರಮಾಣ ಹೆಚ್ಚಾಗುತ್ತಿರುವುದು ದುರದೃಷ್ಟಕರ ಎಂದರು.
