ಬೆಂಗಳೂರು: ಕನ್ನಡ ಚಿತ್ರರಂಗ, ರಂಗಭೂಮಿ, ಕಿರುತೆರೆ ಕ್ಷೇತ್ರಗಳಲ್ಲಿ ಪ್ರಸಿದ್ದಿ ಪಡೆದಿರುವ ‘ಆ ದಿನಗಳು’ ನಿರ್ದೇಶಕ ಕೆ.ಎಂ ಚೈತನ್ಯ (ರಾಷ್ಟ್ರ ಕವಿ ಜಿ ಎಸ್ ಶಿವರುದ್ರಪ್ಪ ಅವರ ಮೊಮ್ಮಗ) ಇದೀಗ ಫೈರ್ ವರ್ಕ್ ಇಂಡಿಯಾ ಸಂಸ್ಥೆಯ ಮೂರು ಆಂಗ್ಲ ಕಿರು ಚಿತ್ರಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ನಿರ್ದೇಶನ ಮಾಡಲು ಮುಂದಾಗಿದ್ದಾರೆ.
ಸಮಾಜದಲ್ಲಿ ಈಗ ಗಟ್ಟಿಯಾಗಿ ಬೇಕಾಗಿರುವ ಮಾನವ ಸಂಬಂಧದ ಬಗ್ಗೆ 30 ಸೆಕೆಂಡ್ಗಳ ವಿಡಿಯೋ ಇದಾಗಿರುತ್ತದೆ. ಐಒಎಸ್ ಹಾಗೂ ಆನ್ಡ್ರಾಯಿಡ್ ಮೊಬೈಲ್ ಫೋನ್ಲ್ಲಿ ಇದು ಲಭ್ಯವಿರುತ್ತದೆ. ಸಧ್ಯಕ್ಕೆ ಕೆ.ಎಂ ಚೈತನ್ಯ ಅವರ ಮೂರು ಕಿರು ಚಿತ್ರಗಳು ಫೈರ್ ವರ್ಕ್ ಸಂಸ್ಥೆಗೆ ತಲುಪಿಸಿದ್ದಾರೆ. ಫೈರ್ ವರ್ಕ್ಸ್ ಸಂಸ್ಥೆ ಸ್ಪೂರ್ತಿದಾಯಕ, ಸಾಧನೆ, ನಿರಂತರತೆ ಬಗ್ಗೆ ಕಥಾ ವಸ್ತುಗಳನ್ನು ಹೇಳಲು ಹೊರಟಿದ್ದಾರೆ.
ಬೆಂಗಳೂರಿನ ಕ್ರೈಸ್ಟ್ ಕಾಲೇಜಿನಲ್ಲಿ ಮಾಧ್ಯಮ ವಿಭಾಗದಲ್ಲಿ ಪದವಿ ಪಡೆದು ಕಿರು ಚಿತ್ರ, ಸಾಕ್ಷ್ಯ ಚಿತ್ರ, ಟಿ ವಿ ಕ್ಷೇತ್ರಕ್ಕೆ ಕಾಲಿಟ್ಟು ನಂತರ ಆ ದಿನಗಳಿಂದ ಸಿನಿಮಾ ಕ್ಷೇತ್ರಕ್ಕೆ ಕಾಲಿಟ್ಟವರು ಕೆ ಎಂ ಚೈತನ್ಯರಾಗಿದ್ದಾರೆ. ಸೂರ್ಯಕಾಂತಿ, ಪರಾರಿ, ಆಟಗಾರ, ಆಕೆ, ಅಮ್ಮ ಐ ಲವ್ ಯು ನಿರ್ದೇಶಿಸಿದವರು ಈಗ ಸಧ್ಯಕ್ಕೆ ಆದ್ಯ ಕನ್ನಡ ಸಿನಿಮಾ ತಯಾರಿಕೆಯಲ್ಲಿ ಚೈತನ್ಯ ಇದ್ದಾರೆ. ಅವರ ಸಾಕ್ಷ್ಯ ಚಿತ್ರ ದಿವಂಗತ ಜ್ಞಾನಪೀಠ ಪ್ರಶಸ್ತಿ ವಿಜೇತ ಡಾ.ಗಿರೀಷ್ ಕಾರ್ನಾಡ್ ಬಗ್ಗೆ ಜನಪ್ರಿಯತೆ ಪಡೆದುಕೊಂಡಿತು.
ಇನ್ನು ಫೈರ್ ವರ್ಕ್ ಇಂಡಿಯಾ ಸಂಸ್ಥೆಯ ಮುಖ್ಯಸ್ಥ ಸುನಿಲ್ ನಾಯರ್ ನಿರ್ದೇಶಕ ಚೈತನ್ಯ ಅವರ ಸಾಮರ್ಥ್ಯದ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನು ಆಡಿದ್ದಾರೆ.
