ಪರಪ್ಪನ ಅಗ್ರಹಾರದ ಕೈದಿಗಳು ತಯಾರಿಸಿರುವ ಫೈನ್​ ಕ್ವಾಲಿಟಿ ಮಾಸ್ಕ್​​ಗೆ ಭಾರಿ ಬೇಡಿಕೆ

ಪರಪ್ಪನ ಅಗ್ರಹಾರ ಕಾರಾಗೃಹದಲ್ಲಿ ತಯಾರದ ಮಾಸ್ಕ್​ಗಳಿಗೆ ಇದೀಗ ಬಹು ಬೇಡಿಕೆ ಇದೆ. ಜೈಲಿನ ಕೈದಿಗಳ ಸುರಕ್ಷತೆಗೆ ಮಾಸ್ಕ್​ ತಯಾರಿಸಲು ಪ್ರಾರಭಿಸಿದ್ದು, ಇದೀಗ ಎರಡೇ ವಾರದಲ್ಲಿ ಮೂವತ್ತು ಸಾವಿರ ಮಾಸ್ಕ್ ತಯಾರಿಯಾಗಿವೆ.

ಬೆಂಗಳೂರು: ಕೊರೊನಾ ಸೋಂಕನ್ನು ತಡೆಗಟ್ಟಲು ಪರಪ್ಪನ ಅಗ್ರಹಾರದಲ್ಲಿ ಕೈದಿಗಳು ತಮ್ಮ ಸುರಕ್ಷತೆಗಾಗಿ ಹೊಲೆಯುತ್ತಿದ್ದ ಮಾಸ್ಕ್​​ಗಳಿಗೆ ಈಗ ಭಾರಿ ಡಿಮ್ಯಾಂಡ್​ ಸೃಷ್ಟಿಯಾಗಿದೆ.

ಪರಿಣಾಮವಾಗಿ ಜೈಲಿನ ಕೈದಿಗಳ ಸುರಕ್ಷತೆಗೆ ಒಂದಿಷ್ಟು ಮಾಸ್ಕ್ ಸಾಕು ಎಂದು ಪ್ರಾರಂಭಿಸಿದ ಕೈಗಳಿಂದ ಎರಡೇ ವಾರದಲ್ಲಿ ಮೂವತ್ತು ಸಾವಿರ ಮಾಸ್ಕ್ ತಯಾರಿಯಾಗಿವೆ.

ಪರಪ್ಪನ ಅಗ್ರಹಾರದ ಖೈದಿಗಳಿಂದ ಮಾಸ್ಕ್ ತಯಾರಿ

ಅರವತ್ತು ಕೈದಿಗಳಿಂದ ಮಾಸ್ಕ್​ ತಯಾರಿಕೆಯ ಕಾರ್ಯ ನಡೆಯುತ್ತಿದ್ದು, ಸದ್ಯ ಹದಿನೈದು ಸಾವಿರ ಮಾಸ್ಕ್ ತಯಾರಿಸಿ ಪೊಲೀಸ್ ಇಲಾಖೆಯ ಸಿಬ್ಬಂದಿಗೆ ಉಚಿತವಾಗಿ ನೀಡಿದ್ದಾರೆ.

ಮಾಸ್ಕ್ ಗುಣಮಟ್ಟ ನೋಡಿ ಬಿ.ಡಬ್ಲ್ಯೂ.ಎಸ್​.ಎಸ್​.ಬಿ ಮತ್ತು ಅಗ್ನಿಶಾಮಕ ಇಲಾಖೆ, ಆರೋಗ್ಯ ಇಲಾಖೆ ಮತ್ತು ಬಿಬಿಎಂಪಿ ಸಿಬ್ಬಂದಿ ಮಾಸ್ಕ್​ಗೆ ಬೇಡಿಕೆ ಇಟ್ಟಿದ್ದಾರೆ. ಗುಣಮಟ್ಟವಿಲ್ಲದ ಮಾಸ್ಕ್​ಗಳಿಗೆ ಹೊರಗಡೆ ಹೆಚ್ಚು ಬೆಲೆ ಇದ್ದು, ಮಾಸ್ಕ್​ಗಳು ಸಿಗದೆ ಸಾರ್ವಜನಿಕರು ಪರದಾಡುತ್ತಿದ್ದಾರೆ. ಹೀಗಾಗಿ ಜೈಲಿನ ಕೈದಿಗಳು ತಯಾರಿಸಿದ ಮಾಸ್ಕ್​ಗಳಿಗೆ ಸರ್ಕಾರದ ವಿವಿಧ ಇಲಾಖೆಗಳು ಬೇಡಿಕೆ ಇಟ್ಟಿವೆ.

ಇದನ್ನೇ ಉದ್ದಿಮೆಯಾಗಿ ಬಳಸಿಕೊಂಡ ಜೈಲಿನ ಅಧಿಕಾರಿಗಳು ಒಂದು ಮಾಸ್ಕ್‌ಗೆ 6 ರೂಪಾಯಿ ಬೆಲೆ ನಿಗದಿ ಮಾಡಿ, ಇದರಿಂದ ಬಂದ ಹಣದಲ್ಲಿ ಕೈದಿಗಳಿಗೆ ಕೂಲಿ ನಿಗದಿ ಮಾಡಿದ್ದಾರೆ. ಉಳಿದ ಹಣವನ್ನು ಜೈಲಿನ ಅಗತ್ಯ ಸೇವೆಗೆ ಬಳಸಿಕೊಳ್ಳಲು ನಿರ್ಧಾರ‌ ಮಾಡಿದ್ದಾರೆ.