ಸಂಚಾರಿ ತಾರಾಲಯಕ್ಕೆ‌ ಡಿಸಿಎಂ ಡಾ.ಅಶ್ವತ್ಥ ನಾರಾಯಣ್ ಚಾಲನೆ

ವಿಧಾನಸೌಧದ ಮುಂಭಾಗದಲ್ಲಿ ಹೆಚ್ಚುವರಿ ಸಂಚಾರಿ ತಾರಾಲಯ ವಾಹನಗಳನ್ನು ಡಿಸಿಎಂ ಸಿ. ಎನ್. ಅಶ್ವಥ್​​​ನಾರಾಯಣ್ ಉದ್ಘಾಟಿಸಿದರು.

ಬೆಂಗಳೂರು: ಕಲ್ಯಾಣ ಕರ್ನಾಟಕ ಭಾಗದ ವಿದ್ಯಾರ್ಥಿಗಳ ಅನುಕೂಲಕ್ಕಾಗಿ ಸ್ಥಾಪಿಸಲಾದ ಹೆಚ್ಚುವರಿ ಸಂಚಾರಿ ಡಿಜಿಟಲ್ ತಾರಾಲಯವನ್ನು ಡಿಸಿಎಂ ಡಾ.ಅಶ್ವಥ್ ​​​​ನಾರಾಯಣ್​​​ ಉದ್ಘಾಟಿಸಿದರು.

ವಿಧಾನಸೌಧದ ಮುಂಭಾಗದಲ್ಲಿ ಹೆಚ್ಚುವರಿ ಸಂಚಾರಿ ತಾರಾಲಯ ವಾಹನಗಳ ಉದ್ಘಾಟನೆಯನ್ನು ಡಿಸಿಎಂ ಡಾ.ಸಿ.ಎನ್.ಅಶ್ವಥ್​​​ನಾರಾಯಣ್ ನೆರವೇರಿಸಿದರು.

ಶಾಲೆಯ ಅಂಗಳದಲ್ಲಿಯೇ ತಾರಾಲಯ ಎಂಬ ಕಲ್ಪನೆಯಡಿಯಲ್ಲಿ ಖಗೋಳ ವಿಜ್ಞಾನದ ಮಾಹಿತಿ ನೀಡುವುದಕ್ಕಾಗಿ, ಪ್ರತಿಯೊಬ್ಬ ವಿದ್ಯಾರ್ಥಿಯ ಜ್ಞಾನವನ್ನು ಹೆಚ್ಚಿಸುವ ಉದ್ದೇಶದಿಂದ ಈ ಸಂಚಾರಿ ತಾರಾಲಯವನ್ನು ಪ್ರಾರಂಭಿಸಲಾಗಿದೆ.