ನಕಲಿ ಸ್ಯಾನಿಟೈಸರ್, ಹ್ಯಾಂಡ್ ರಬ್ ಮಾರಾಟ: ಆರೋಪಿಗಳು ಅಂದರ್​

ಕೊರೊನಾ ಭೀತಿನಿಂದ ರಾಜ್ಯಾದ್ಯಂತ ಜನರೆಲ್ಲ ಆತಂಕಗೊಂಡಿದ್ದು, ಇತ್ತ ಇದನ್ನೆ ಬಂಡವಾಳ ಮಾಡಿಕೊಂಡ ಕೆಲಕಿಡಿಗೇಡಿಗಳು ನಕಲಿ ಸ್ಯಾನಿಟೈಸರ್ ಹಾಗೂ ಹ್ಯಾಂಡ್ ರಬ್​ಗಳನ್ನು ಸಿದ್ದಪಡಿಸಿ ಮಾರಾಟ ಮಾಡಿತ್ತಿದ್ದ ಜಾಲವನ್ನು ಸಿಸಿಬಿ ಬಂಧಿಸಿದೆ.

ಬೆಂಗಳೂರು: ರಾಜ್ಯಾದ್ಯಂತ ಕೊರೊನಾ ಭೀತಿ ಹೆಚ್ಚಾಗುತ್ತಿದ್ದು, ಇದನ್ನು ದುರುಪಯೋಗ ಮಾಡಿಕೊಂಡ ಕೆಲಕಿಡಿಗೇಡಿಗಳು ನಕಲಿ ಸ್ಯಾನಿಟೈಸರ್ ಹಾಗೂ ಹ್ಯಾಂಡ್ ರಬ್​ಗಳನ್ನು ಸಿದ್ದಪಡಿಸುತ್ತಿದ್ದ ಜಾಲವನ್ನು ಭೇದಿಸುವಲ್ಲಿ ಸಿಸಿಬಿ ಅಧಿಕಾರಿಗಳು ಯಶಸ್ವಿಯಾಗಿದ್ದಾರೆ.

ರಾಜು, ಚಂದನ್ ಬಂಧಿತ ಆರೋಪಿಗಳು. ಇವರು ಜ್ಯೋತಿ‌ ಕೆಮಿಕಲ್ಸ್ ಗೋಡನ್ ಹಾಗೂ ಸ್ವಾತಿ ಗೋಡನ್​​ನಲ್ಲಿ ನಕಲಿ ಹ್ಯಾಂಡ್ ಸ್ಯಾನಿಟೈಸರ್ ಹಾಗೂ ಹ್ಯಾಂಡ್ ರಬ್​ಗಳನ್ನು ಸಿದ್ಧಪಡಿಸಿ ದುಬಾರಿ ಬೆಲೆಗೆ ಮಾರಾಟ ಮಾಡುತ್ತಿದ್ದರು. ಈ ಮಾಹಿತಿ ತಿಳಿದು ದಾಳಿ ನಡೆಸಿದ ಸಿಸಿಬಿ ಪೊಲೀಸರು, ಮಾರಾಟಕ್ಕೆ ಇಟ್ಟಿದ್ದಂತಹ 8500 ಬಾಟಲ್​ಗಳು, ಖಾಲಿ ಪ್ಲಾಸ್ಟಿಕ್ ಬಾಟಲ್​ಗಳು, ಒಟ್ಟು 4500 ನ 35 ಲೀಟರ್​ನ ಐಸೊಪ್ರೊಪಿಲ್ ಆಲ್ಕೋಹಾಲ್( isopropyl alcohol ) 8 ಕ್ಯಾನ್​ಗಳು ಸೇರಿದಂತೆ ಒಟ್ಟು 280 ಲೀಟರ್ 4500 ಸ್ಟಿಕರ್ ವಶಪಡಿಸಿದ್ದಾರೆ.

ಯಾವ ರೀತಿ ತಯಾರಿಸುತ್ತಿದ್ದರು:

ಆರೋಪಿತರು 50 ಲೀಟರ್ ಐಸೊಪ್ರೊಪಿಲ್ ಆಲ್ಕೋಹಾಲ್( isopropyl alcohol) ಗೆ 15-20 ಎಂಎಲ್ ಒಂದೂವರೆ ಸ್ಪೂನ್​​ನಷ್ಟು ಬ್ರಿಲಿಂಯೆನ್ಟ್ ಬ್ಲೂ ಕಲರ್ ಹಾಗೂ 10.15 ಎಂಎಲ್ ಒಂದು ಸ್ಪೂನ್ ನಷ್ಟು ಪರ್ಮಿಮ್ ಮಿಶ್ರಣ ಮಾಡಿ 50 ಲೀಟರ್ ಹ್ಯಾಂಡ್ ಸ್ಯಾನಿಟೈಸರ್ ಹಾಗೂ ಹ್ಯಾಂಡ್ ರಬ್ ತಯಾರಿಸುತ್ತಿದ್ದರು.

100 ಎಂಎಲ್ ಗೆ -170 ರೂ,

200ಎಂಎಲ್​ಗೆ- 325ರೂ

500ಎಂಎಲ್​ಗೆ- 620ರೂ ದರ ನಿಗದಿ ಮಾಡಿ ಪ್ಲಾಸ್ಟಿಕ್ ಬಾಟಲ್​ಗಳಲ್ಲಿ ತುಂಬಿಸಿ ಕಂಪೆನಿಯ ಸ್ಟಿಕರ್​ಗಳನ್ನು ಹಾಕಿ ಮಾರಟ ಮಾಡುತ್ತಿದ್ದರು. ಆರೋಪಿಗಳ ವಿರುದ್ಧ ಚಾಮರಾಜಪೇಟೆ ಪೊಲೀಸ್ ಠಾಣೆ ಹಾಗೂ ವಿ.ವಿಪುರಂ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿ ತನಿಖೆ ಮುಂದುವರೆಸಿದ್ದಾರೆ.