ಬೆಂಗಳೂರು: ಸ್ಯಾಂಡಲ್‌ವುಡ್ ಡ್ರಗ್ಸ್‌ ಪ್ರಕರಣ ಸಂಬಂಧ ಸಿಸಿಬಿ ತನಿಖೆ ನಡೆಸುತ್ತಿರುವ ಮಧ್ಯೆ ಐಎಸ್ಡಿ ಕೂಡ ಎಂಟ್ರಿ ಕೊಟ್ಟು ಡ್ರಗ್ಸ್‌ ಮಾಫಿಯಾದ ತನಿಖೆ ಕೈಗೊಂಡು ಕಿರುತೆರೆ ನಟ- ನಟಿಯರಿಗೆ ವಿಚಾರಣೆ ನಡೆಸುತ್ತಿದೆ.
ಆದರೆ, ಎನ್ಸಿಬಿ ಸ್ಯಾಂಡಲ್‌ವುಡ್ ಡ್ರಗ್ಸ್‌ ಮಾಫಿಯಾದ ಕ್ಲ್ಯೂ ಬಿಟ್ಟು ಕೊಟ್ಟ ತಕ್ಷಣ ಸಿಸಿಬಿ ತನಿಖೆ ನಡೆಸಲು ಮುಂದಾಗಿತ್ತು. ಆದರೆ, ಅಕ್ರಮ ಶಸ್ತ್ರಾಸ್ತ್ರ ಪ್ರಕರಣ ಬೇಧಿಸುತ್ತಿದ್ದ ಐಎಸ್ಡಿ ಈ ನಡುವೆ ಇಬ್ಬರು ಡ್ರಗ್ಸ್‌ ಪೆಡ್ಲರ್ಗಳನ್ನು ಬಂಧಿಸಿದ್ದರು. ಅವರನ್ನ ಹೆಚ್ಚಿನ ವಿಚಾರಣೆ ನಡೆಸಿದ್ದ ಐಎಸ್ಡಿ ಸಿನಿ ತಾರೆಯರ ಹೆಸರು ಕೇಳಿ ಬಂದ ಕಾರಣ ಹಲವರನ್ನ ತನಿಖೆಗೊ ಳಪಡಿಸಿದ್ದಾರೆ.
ಸದ್ಯ ಇದೇ ವಿಚಾರವಾಗಿ ಎರಡು ತನಿಖಾ ತಂಡ ನಡುವೆ ಮುಸುಕಿನ ಗುದ್ದಾಟ ಶುರುವಾಗಿದೆ. ಡ್ರಗ್ಸ್‌ ಮಾಫಿಯಾ ಹೆಸರು ಬಂದಾಗಲೇ ಸಿಸಿಬಿಗೆ ಪ್ರಕರಣ ಹಸ್ತಾಂತರಿಸಬಹುದಿತ್ತು?. ಆದರೆ, ಪ್ರತ್ಯೇಕ ತನಿಖೆಯನ್ನ ಐಎಸ್ಡಿ ನಡೆಸುತ್ತಿದೆ. ಡ್ರಗ್ಸ್‌ ವಿಚಾರವಾಗಿ ಮೊದಲಿನಿಂದಲೂ ಸಿಸಿಬಿ ತನಿಖೆ ನಡೆಸ್ತಿದೆ. ಅಲ್ಲದೆ ಪ್ರತಿ ಮಾಹಿತಿಯೂ ಸಿಸಿಬಿ ಬಳಿಯಿತ್ತು. ಪ್ರತ್ಯೇಕ ತನಿಖೆ ನಡೆಸುವ ಅವಶ್ಯಕತೆ ಏನಿತ್ತು?. ಈ ಮೂಲಕ ಸ್ಯಾಂಡಲ್‌ವುಡ್ ಡ್ರಗ್ಸ್‌ ಕೇಸ್ ದಿಕ್ಕು ತಪ್ಪುವ ಸಾಧ್ಯತೆ ಇದೆ.
ಯಾಕಂದ್ರೆ, ನಟ ಲೂಸ್ ಮಾದ ಯೋಗಿಯನ್ನ ತನಿಖೆಗೊಳಪಡಿಸಲು ಸಿಸಿಬಿ ಕೂಡ ನಿರ್ಧಾರ ಮಾಡಿತ್ತು. ಹಾಗೆ ಸಿಸಿಬಿ ಬಂಧಿಸಿರುವ ಪೆಡ್ಲರ್ ಲಿಸ್ಟ್ನಲ್ಲಿ ಕಿರುತೆರೆ ನಟ-ನಟಿಯರಿದ್ದಾರೆ. ಒಂದು ವೇಳೆ ದಿಕ್ಕು ತಪ್ಪಿದ್ರೆ ಕೇಸ್ ತನಿಖೆ ನಡೆಸಲು ತುಂಬಾ ಕಷ್ಟವಾಗುತ್ತೆ. ಸದ್ಯ ಸಿಸಿಬಿ ಅಧಿಕಾರಿಗಳ ನಡುವೆಯೇ ಈ ವಿಚಾರ ಚರ್ಚೆ ನಡೀತಿದೆ.
