ಬೆಂಗಳೂರಲ್ಲಿ ಹೊಸದಾಗಿ 1,297 ಕೇಸ್ ಪತ್ತೆ: ಪಾಸಿಟಿವಿಟಿ ದರ ಶೇ. 3ಕ್ಕೆ ಇಳಿಕೆ

ತಿಂಗಳ ಹಿಂದೆ ಪ್ರತಿನಿತ್ಯ 20 ಸಾವಿರದಷ್ಟು ಪತ್ತೆಯಾಗುತ್ತಿದ್ದ ಬೆಂಗಳೂರಿನ ಕೋವಿಡ್​ ಪ್ರಕರಣಗಳ ಸಂಖ್ಯೆ ಭಾರೀ ಇಳಿಕೆಯಾಗಿದೆ. 35 ದಿನಗಳ ಲಾಕ್​​ಡೌನ್​ ಅಂತ್ಯವಾದ ಬಳಿಕ ನಿನ್ನೆ ಹೊಸ ಪ್ರಕರಣಗಳ ಸಂಖ್ಯೆ ಕೊಂಚ ಏರಿಕೆ ಕಂಡಿತ್ತು. ಆದರೆ ಇಂದು ಮತ್ತೆ 200ರಷ್ಟು ಪ್ರಕರಣಗಳು ಕಡಿಮೆ ಬಂದಿವೆ.

ಬೆಂಗಳೂರು: ನಗರದಲ್ಲಿಂದು ಹೊಸದಾಗಿ 1,297 ಜನರಲ್ಲಿ ಕೋವಿಡ್ ಪಾಸಿಟಿವ್ ದೃಢಪಟ್ಟಿದೆ. ಬೊಮ್ಮನಹಳ್ಳಿಯಲ್ಲಿ 130, ದಾಸರಹಳ್ಳಿ 60, ಬೆಂಗಳೂರು ಪೂರ್ವ 173, ಮಹಾದೇವಪುರ 184, ಆರ್‌.ಆರ್. ನಗರ 96, ಬೆಂಗಳೂರು ದಕ್ಷಿಣ 131, ಬೆಂಗಳೂರು ಪಶ್ಚಿಮ 96 ಹಾಗೂ ಯಲಹಂಕದ 59 ಜನರಲ್ಲಿ ಸೋಂಕು ಪತ್ತೆಯಾಗಿದೆ.

ವಲಯವಾರು ಕೋವಿಡ್ ಸ್ಥಿತಿಗತಿ

ನಿನ್ನೆ ( ಜೂನ್ 14ರಂದು) ನಗರದಲ್ಲಿ 1,470 ಪಾಸಿಟಿವ್ ಪ್ರಕರಣಗಳು ಪತ್ತೆಯಾಗಿದ್ದವು. 12 ಮಂದಿ ಸೋಂಕಿತರು ಮೃತಪಟ್ಟಿದ್ದರು. ಪ್ರಸ್ತುತ 85,044 ಸಕ್ರಿಯ ಪ್ರಕರಣಗಳಿವೆ. ಜೂನ್ 13ರಂದು 48,224 ಮಂದಿಗೆ ಕೋವಿಡ್ ಪರೀಕ್ಷೆ ನಡೆಸಲಾಗಿದೆ. ನಿನ್ನೆ 303 ಮಂದಿ ತೀವ್ರ ನಿಗಾ ಘಟಕದಲ್ಲಿ ಹಾಗೂ 440 ಮಂದಿ ಐಸಿಯು+ವೆಂಟಿಲೇಟರ್​ನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು.

ಲಸಿಕೆ ಹಾಕಿದ ಮಾಹಿತಿ ಮತ್ತು ಬೆಡ್ ಲಭ್ಯತೆ

ಇದುವರೆಗೆ ನಗರದ 27,150 ಮಂದಿಗೆ ಕೋವಿಡ್ ಲಸಿಕೆ ನೀಡಲಾಗಿದೆ. ಪ್ರಸ್ತುತ ಪಾಸಿಟಿವಿಟಿ ದರ ಶೇ. 3.02ಕ್ಕೆ ಇಳಿಕೆಯಾಗಿದ್ದು, ಮರಣ ಪ್ರಮಾಣ ಶೇ. 1.88 ಇದೆ. ನಿನ್ನೆ ಒಟ್ಟು 16,459 ಹಾಸಿಗೆಗಳ ಪೈಕಿ 13,916 ಖಾಲಿ ಇದ್ದವು.