ನೆಲಮಂಗಲ: ಪಟ್ಟಣನದಲ್ಲಿ ಮೀಟರ್ ಬಡ್ಡಿ ದಂಧೆ ರಾಜಾರೋಷವಾಗಿ ನಡೆಯುತ್ತಿದೆ. ಮೀಟರ್ ಬಡ್ಡಿ ಹಣ ಕಟ್ಟದ ಆಟೋ ಡ್ರೈವರ್ರ್ನನ್ನ ಲಾಡ್ಜ್ನಲ್ಲಿ ಕೂಡಿ ಹಾಕಿ ಕಿರುಕುಳ ಕೊಟ್ಟ ಆರೋಪ ಕೇಳಿ ಬಂದಿದೆ.
ನಗರದ ಟೌನ್ ರಾಯನ್ನಲ್ಲಿ ಘಟನೆ ನಡೆದಿದ್ದು, ಆಟೋ ಡ್ರೈವರ್ ವಿನಯ್ ಕುಮಾರ್ ಎರಡು ವರ್ಷದ ಹಿಂದೆ ಫೈನಾನ್ಷಿಯರ್ SLN ನವೀನ್ ಎಂಬುವವರ ಬಳಿ 25 ಸಾವಿರ ಹಣ ಪಡೆದಿದ್ರಂತೆ. ಬಳಿಕ ಹಣ ಪಾವತಿಸಲಾಗದೆ ಬಡ್ಡಿ ಹಣ ಮಾತ್ರ ಪಾವತಿಸಿಕೊಂಡು ಬರುತ್ತಿದ್ದರಂತೆ. ಈ ಸಲ ಬಡ್ಡಿ ಹಣ ಕೊಡಲು ವಿನಯ್ ತಡ ಮಾಡಿದ ಎನ್ನಲಾಗಿದೆ.
ಬಡ್ಡಿ ಹಣ ತಡವಾಗಿದ್ದಕ್ಕೆ ರಾತ್ರಿಯಿಂದ ಲಾಡ್ಜ್ ನಲ್ಲಿ ಕೂಡಿ ಹಾಕಿ ಚಿತ್ರಹಿಂಸೆ
ಬಡ್ಡಿ ಹಣ ತಡವಾಗಿದ್ದಕ್ಕೆ ರಾತ್ರಿಯಿಂದ ಲಾಡ್ಜ್ನಲ್ಲಿ ಕೂಡಿ ಹಾಕಿ ನವೀನ್ ಚಿತ್ರಹಿಂಸೆ ನೀಡಿದ್ದಾರೆ. ಮಧ್ಯ ರಾತ್ರಿಯ ವೇಳೆಗೆ ವಿನಯ್ ಹೆಂಡತಿಗೆ ಗಂಡನನ್ನು ಲಾಡ್ಜ್ನಲ್ಲಿ ಕೂಡಿ ಹಾಕಿರುವ ವಿಷಯ ಗೊತ್ತಾಗಿ ನೆಲಮಂಗಲ ಟೌನ್ ಪೊಲೀಸರ ಗಮನಕ್ಕೆ ತಂದಿದ್ದಾರೆ.
ಬೆಳಿಗ್ಗೆ ಲಾಡ್ಜ್ ಬಳಿಗೆ ಹೋದ ಪೊಲೀಸರು ಬಂಧಿಯಾಗಿದ್ದ ವಿನಯ್ ಕುಮಾರನನ್ನು ಬಿಡುಗಡೆ ಮಾಡಿ ಫೈನಾನ್ಷಿಯರ್ ವಿರುದ್ಧ ಕ್ರಮಕ್ಕೆ ಮುಂದಾಗಿದ್ದಾರೆ.
