ಬೆಂಗಳೂರು: ಕ್ಷುಲ್ಲಕ ಕಾರಣಕ್ಕೆ ಟ್ರಾನ್ಸಪೋರ್ಟ್ ಮಾಲೀಕರು ನಡು ರಸ್ತೆಯಲ್ಲೇ ಪರಸ್ಪರ ಮಾರಾಮಾರಿ ನಡೆಸಿದ್ದು ಈ ಸಂಬಂಧ ಕಾಟನ್ ಪೇಟೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಕಾಟನ್ ಪೇಟೆಯ ಜಾಲಿಮೊಹಲ್ಲಾ ರಸ್ತೆಯಲ್ಲಿ ಈ ಘಟನೆ ನಡೆದಿದ್ದು, ಶೇಖ್ ಖಲೀಮುಲ್ಲಾ ಎಂಬುವನ ಮೇಲೆ ಹಲ್ಲೆ ನಡೆಸಿದ್ದಾರೆ ಎನ್ನಲಾಗಿದೆ. ಹಲ್ಲೆ ಆರೋಪದಡಿ ಅಫ್ರೋಜ್ ಹಾಗೂ ಇತರ ಮೂವರ ಮೇಲೆ ಕಾಟನ್ ಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಖಲೀಮುಲ್ಲಾ ಈತ ಜನತಾ ಟ್ರಾನ್ಸಪೋರ್ಟ್ ಮಾಲೀಕನಾಗಿದ್ದಾನೆ. ಪಕ್ಕದಲ್ಲೆ ಅಫ್ರೋಜ್ ಎಂಬಾತ ಮತ್ತೊಂದು ಟ್ರಾನ್ಸಪೋರ್ಟ್ ನಡೆಸುತ್ತಾನೆ. ಈ ಅಫ್ರೋಜ್ ಏಕಾಏಕಿ ಶಾಪ್ ಬಳಿ ಬಂದು, ನಮ್ಮ ಗಿರಾಕಿಗಳನ್ನೆಲ್ಲ ನೀನು ತಡೆಯುತ್ತಿರುವೆ, ಹೀಗಾಗಿ ಟ್ರಾನ್ಸಪೋರ್ಟ್ ಖಾಲಿ ಮಾಡಿಕೊಂಡು ಹೋಗು ಅಂತ ಹಲ್ಲೆ ಮಾಡಿದ್ದಾರೆ ಎಂದು ಖಲೀಮುಲ್ಲಾ ಆರೋಪಿಸಿದ್ದಾರೆ. ಘಟನೆ ಮಾರಾಮಾರಿ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿವೆ.
ಓದಿ : ದಂತ ಚಿಕಿತ್ಸೆಗಾಗಿ ಹೊಸ ಲೇಸರ್ ಸಾಧನ ಆವಿಷ್ಕರಿಸಿದ ಹುಬ್ಬಳ್ಳಿ ವೈದ್ಯ.. ದೇಶದಲ್ಲೇ ಮೊದಲು
