ಬೆಂಗಳೂರು: ಸ್ಯಾಂಡಲ್ವುಡ್ ಡ್ರಗ್ಸ್ ಜಾಲ ಆರೋಪ ಪ್ರಕರಣದಲ್ಲಿ ಬಂಧನವಾಗಿರುವ 17ನೇ ಆರೋಪಿ ಶ್ರೀನಿವಾಸ್ ಸುಬ್ರಮಣ್ಯನ್ ಅಲಿಯಾಸ್ ಶ್ರೀ ವಿಚಾರಣೆ ಚುರುಕುಗೊಂಡಿದೆ.
ಇನ್ನು ವಿಚಾರಣೆ ವೇಳೆ ಮಹತ್ತರ ಅಂಶಗಳು ಬೆಳಕಿಗೆ ಬಂದಿವೆ. ಇದಲ್ಲದೆ ನನಗೂ ಶ್ರೀನಿವಾಸ್ಗೂ ಸಂಬಂಧವೇ ಇಲ್ಲ ಎಂದಿದ್ದ ನಟ ಸಂತೋಷ್ ಈತನ ಸ್ನೇಹಿತ ಎಂಬುದು ತಿಳಿದುಬಂದಿದೆ. ಸಂತೋಷ್ ವಿಲ್ಲಾದಲ್ಲಿ ನಡೆದಿತ್ತು ಎನ್ನಲಾದ ಪಾರ್ಟಿಯಲ್ಲಿ ಶ್ರೀನಿವಾಸ್, ವೈಭವ್ ಜೈನ್ ಭಾಗಿಯಾಗಿರುವ ಫೋಟೋ ಸಿಸಿಬಿಗೆ ಲಭ್ಯವಾಗಿದೆ. ಈ ಕುರಿತಂತೆ ಸಿಸಿಬಿ ಇನ್ನಷ್ಟು ಮಾಹಿತಿ ಕಲೆಹಾಕಲು ಮುಂದಾಗಿದೆ.
ಈ ನಡುವೆ ನಟ ಸಂತೋಷ್ ಮೊಬೈಲ್ ವಶಕ್ಕೆ ಪಡೆದಿರುವ ಸಿಸಿಬಿಗೆ ಶ್ರೀನಿವಾಸ್ ಜೊತೆ ನಂಟಿರುವ ಕುರಿತು ಬಲವಾದ ಮಾಹಿತಿ ದೊರೆತರೆ ನಟ ಸಂತೋಷ್ಗೆ ಇನ್ನಷ್ಟು ಸಂಕಷ್ಟ ಎದುರಾಗುವ ಸಾಧ್ಯತೆ ಇದೆ.
