ಬೆಂಗಳೂರು: ನಗರದಲ್ಲಿಂದು 23,746 ಕೋವಿಡ್ ಪ್ರಕರಣಗಳು ಪತ್ತೆಯಾಗಿವೆ. ಜನತಾ ಕರ್ಫ್ಯೂ ಇದ್ರೂ ಕೂಡ ಹತೋಟಿಗೆ ಬಾರದ ಸೋಂಕು ಹರಡುವಿಕೆ ಬೆಂಗಳೂರು ಜನತೆಯಲ್ಲಿ ಭೀತಿ ಹುಟ್ಟಿಸಿದೆ. ನಗರದ ಕೋವಿಡ್ ಪಾಸಿಟಿವಿಟಿ ಪ್ರಮಾಣ ಇದೀಗ ಶೇ.39.9 ರಷ್ಟಾಗಿದೆ.
ಹೊಸ ಸೋಂಕು ಪ್ರಕರಣಗಳು ಪತ್ತೆಯಾದ ಪ್ರದೇಶಗಳು:
ಬೆಂಗಳೂರು ಪೂರ್ವದಲ್ಲಿ- 3,460, ಮಹದೇವಪುರ- 3,396, ಬೊಮ್ಮನಹಳ್ಳಿ- 2,309, ದಕ್ಷಿಣ ವಲಯ- 2,982, ಪಶ್ಚಿಮ ವಲಯ- 2,305, ಯಲಹಂಕ- 1,948, ಆರ್ಆರ್ ನಗರ- 1,869, ದಾಸರಹಳ್ಳಿ- 837 ಸೋಂಕು ಪ್ರಕರಣಗಳು ಪತ್ತೆಯಾಗಿವೆ.
ನಗರದಲ್ಲಿ 9 ವರ್ಷದೊಳಗಿನ 715 ಮಕ್ಕಳಲ್ಲಿ ಸೋಂಕು ಕಾಣಿಸಿಕೊಂಡಿರುವುದು ವರದಿಯಾಗಿದೆ. 10-19 ವರ್ಷದ 1,472 ಮಂದಿಗೆ, 20-29 ವರ್ಷದ 5,152 ಹಾಗೂ 70 ವರ್ಷ ಮೇಲ್ಪಟ್ಟ 1,092 ಮಂದಿ ಸೋಂಕಿಗೆ ಒಳಪಟ್ಟಿದ್ದಾರೆ. ಇನ್ನು 161 ಸಾವಿನ ಪ್ರಕರಣಗಳ ಪೈಕಿ 70 ವರ್ಷ ಮೇಲ್ಪಟ್ಟ 51 ಮಂದಿ ಮೃತಪಟ್ಟಿದ್ದಾರೆ.
ಎರಡನೇ ಸ್ಥಾನದಲ್ಲಿದೆ ಬೆಂಗಳೂರು:
ದೇಶದಲ್ಲಿ ಅತಿ ಹೆಚ್ಚು ಸೋಂಕಿತರನ್ನು ಒಳಗೊಂಡಿರುವ ನಗರಗಳ ಪೈಕಿ ದೆಹಲಿಯ ನಂತರ ಎರಡನೇ ಸ್ಥಾನದಲ್ಲಿ ಬೆಂಗಳೂರು ಇದೆ. ದೆಹಲಿಯಲ್ಲಿ 12,32,942 ಜನಕ್ಕೆ ಸೋಂಕು ದೃಢಪಟ್ಟಿದ್ದರೆ ಬೆಂಗಳೂರಲ್ಲಿ 8,63,380 ಜನರಲ್ಲಿ ಸೋಂಕು ಕಾಣಿಸಿಕೊಂಡಿದೆ.
