ಟಿಪ್ಪರ್-ಬೈಕ್​ ನಡುವೆ ಡಿಕ್ಕಿ: ದ್ವಿಚಕ್ರ ವಾಹನ ಸವಾರ ಸಾವು

ಬೈಕ್ ಸವಾರ ರಾಮಪ್ಪ ಮುತ್ತಪ್ಪ ಪೂಜಾರಿ ಮೃತ ದುರ್ದೈವಿ. ರಾಮಪ್ಪ ತೋಟದಿಂದ ಮನೆಯ ಕಡೆಗೆ ತೆರಳುವ ಸಮಯದಲ್ಲಿ ಈ ಘಟನೆ ನಡೆದಿದೆ. ಟಿಪ್ಪರ್​ ಚಾಲಕ ವಾಹನ ಸಮೇತ ಪರಾರಿಯಾಗಿದ್ದಾನೆ.

ಬಾಗಲಕೋಟೆ: ಬೈಕ್ ಮತ್ತು ಟಿಪ್ಪರ ನಡುವೆ ಮುಖಾಮುಖಿ ಡಿಕ್ಕಿ ಸಂಭವಿಸಿ ಯುವಕನೋರ್ವ ಸ್ಥಳದಲ್ಲೇ ಮೃತಪಟ್ಟ ಘಟನೆ ಜಿಲ್ಲೆಯ ಬೀಳಗಿ ತಾಲೂಕಿನ ನಾಗರಾಳ ಗ್ರಾಮದ ಬಳಿ‌ ನಡೆದಿದೆ.

ಬೈಕ್ ಸವಾರ ರಾಮಪ್ಪ ಮುತ್ತಪ್ಪ ಪೂಜಾರಿ (26) ಮೃತ ದುರ್ದೈವಿ. ರಾಮಪ್ಪ ತೋಟದಿಂದ ಮನೆಯ ಕಡೆಗೆ ತೆರಳುವ ಸಮಯದಲ್ಲಿ ಈ ಘಟನೆ ನಡೆದಿದೆ. ಟಿಪ್ಪರ್​ ಚಾಲಕ ವಾಹನ ಸಮೇತ ಪರಾರಿಯಾಗಿದ್ದಾನೆ. ಸ್ಥಳಕ್ಕೆ‌ ಬೀಳಗಿ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿ, ಪ್ರಕರಣ ದಾಖಲಿಸಿಕೊಂಡಿದ್ದಾರೆ.