ಆರೋಗ್ಯ ಅಧಿಕಾರಿಗಳಿಂದ ನಡೆಯದ ತಪಾಸಣೆ: ಗ್ರಾಮಸ್ಥರಿಂದ ಆಕ್ರೋಶ

ಬಾದಾಮಿ ತಾಲೂಕಿನ ಕೆರಕಲಮಟ್ಟಿ ಗ್ರಾಮದಲ್ಲಿ ಪಿಡಿಓ, ಸ್ಥಳೀಯ ಆರೋಗ್ಯ ಅಧಿಕಾರಿಗಳಿಂದ ಯಾವುದೇ ತಪಾಸಣಾ ಕಾರ್ಯ ನಡೆಯದಿರುವುದು ಗ್ರಾಮಸ್ಥರಲ್ಲಿ ಆತಂಕ ಮೂಡಿಸಿದೆ.

ಬಾಗಲಕೋಟೆ: ಬಾದಾಮಿ ತಾಲೂಕಿನ ಕೆರಕಲಮಟ್ಟಿ ಗ್ರಾಮದಲ್ಲಿ ಪಿಡಿಓ, ಸ್ಥಳೀಯ ಆರೋಗ್ಯಾಧಿಕಾರಿಗಳು ಮುಂಜಾಗರೂಕತಾ ಕ್ರಮಗಳಿಗೆ ಮುಂದಾಗದಿರುವುದು ಗ್ರಾಮಸ್ಥರ ಆತಂಕಕ್ಕೆ ಕಾರಣವಾಗಿದೆ.

ಮಂಗಳೂರು, ಗೋವಾ, ಬೆಂಗಳೂರಿಗೆ ಗುಳೇ ಹೋಗಿದ್ದ ಜನರು ಸ್ವತಃ ವಾಹನ ಮಾಡಿಕೊಂಡು ಆಗಮಿಸಿದ್ದರೂ, ಯಾವ ತಪಾಸಣೆಯೂ ಇಲ್ಲದೆ ಹೋಮ್ ಕ್ವಾರೆಂಟಿನ್‌ಗೂ ಅವರನ್ನು ಒಳಪಡದೆ ಇರುವುದು ಪಿಡಿಓ ವಿರುದ್ಧ ಗ್ರಾಮಸ್ಥರು ಆಕ್ರೋಶ ವ್ಯಕ್ತಪಡಿಸೋಕೆ ಕಾರಣ.

ಮಾರಕ ವೈರಸ್ ಬಗ್ಗೆ ಗ್ರಾಮದಲ್ಲಿ ಜನ ಜಾಗೃತಿಯೂ ಇಲ್ಲದಂತಾಗಿದೆ. ಗ್ರಾಮದತ್ತ ಗ್ರಾ.ಪಂ.ಅಧಿಕಾರಿಗಳು ಸುಳಿಯುತ್ತಿಲ್ಲ. ಸಮಸ್ಯೆ ಹೇಳಿದವರಿಗೆ ಪಿಡಿಓ ಉಡಾಫೆ ಉತ್ತರ ಕೊಡುತ್ತಾರೆ ಅನ್ನೋದು ಇಲ್ಲಿನ ಜನರ ಆರೋಪ.