ಸಿಡಿಲಿಗೆ ಬಾಲಕ ಬಲಿ, ಕುಟುಂಬ ಮೂವರಿಗೆ ಗಾಯ

ಬಾಗಲಕೋಟೆ ಜಿಲ್ಲೆ ಮುಧೋಳದಲ್ಲಿ ಸಿಡಿಲು ಬಡಿದು ಬಾಲಕ ಮೃತಪಟ್ಟಿದ್ದು, ಅದೇ ಕುಟುಂಬದ ಮೂವರಿಗೆ ಗಭೀರ ಗಾಯಗಳಾಗಿವೆ. ಮೃತ ಕುಟುಂಬಕ್ಕೆ ಡಿಸಿಎಂ ಕಾರಜಜೋಳ 5 ಲಕ್ಷ ರೂಪಾಯಿ ಪರಿಹಾರ ನೀಡುವಂತೆ ಸೂಚಿಸಿದ್ದಾರೆ.

ಬಾಗಲಕೋಟೆ: ಸಿಡಿಲು ಬಡಿದು ಬಾಲಕ ಮೃತ ಪಟ್ಟಿದ್ದು, ಕುಟುಂಬದ ಮೂವರು ಗಾಯಗೊಂಡಿರುವ ಘಟನೆ ಜಿಲ್ಲೆಯ ಮುಧೋಳ ತಾಲೂಕಿನ ಚಿಚಖಂಡಿ ಕೆ.ಡಿ ಗ್ರಾಮದಲ್ಲಿ ನಡೆದಿದೆ.

ಡಿಸಿಎಂ ಗೋವಿಂದ ಕಾರಜಜೋಳ

ದರ್ಶನ್ ಪಕೀರಪ್ಪ ಮಾದರ್ (14) ಮೃತ ದುರ್ದೈವಿಯಾಗಿದ್ದಾನೆ. ಹೊಲಕ್ಕೆ ಹೋದ ಸಂದರ್ಭದಲ್ಲಿ ಈ ದುರ್ಘಟನೆ ನಡೆದಿದೆ.

ಉಪ ಮುಖ್ಯಮಂತ್ರಿ ಗೋವಿಂದ ಎಂ.ಕಾರಜೋಳ ಅವರು ದೂರವಾಣಿ ಕರೆ ಮಾಡಿ, ಸಾಂತ್ವಾನ ಹೇಳಿದ್ದು, ಕುಟುಂಬದ ಸದಸ್ಯರಿಗೆ ಪ್ರಕೃತಿ ವಿಕೋಪ ನಿಧಿಯಡಿ 5 ಲಕ್ಷ ರೂಪಾಯಿ ಪರಿಹಾರ ಧನ ನೀಡುವಂತೆ ಜಿಲ್ಲಾಧಿಕಾರಿಗಳಿಗೆ ಹಾಗೂ ತಹಶೀಲ್ದಾರ್​ಗೆ ಸೂಚನೆ ನೀಡಿದ್ದಾರೆ.