ವಿಂಬಲ್ಡನ್(ಇಂಗ್ಲೆಂಡ್): 23 ಗ್ರ್ಯಾಂಡ್ಸ್ಲಾಮ್ ವಿಜೇತೆ ಸೆರೆನಾ ವಿಲಿಯಮ್ಸ್ ವಿಂಬಲ್ಡನ್ನ ಸೆಮಿಫೈನಲ್ನಲ್ಲಿ ಜೆಕ್ ಗಣರಾಜ್ಯದ ಬಾರ್ಬೊರಾ ಸ್ಟ್ರಿಕೋವಾ ವಿರುದ್ಧ ಗೆಲುವು ಸಾಧಿಸಿ 11ನೇ ಬಾರಿ ಫೈನಲ್ ಪ್ರವೇಶಿಸಿದ್ದಾರೆ.
ಇಂದು ನಡೆದ ಸೆಮಿಫೈನಲ್ನಲ್ಲಿ ಸೆರೆನಾ ವಿಲಿಯಮ್ಸ್, ಸ್ಟ್ರಿಕೋವಾ ವಿರುದ್ಧ ನಿರಾಯಾಸವಾಗಿ 6-1,6-2 ರಲ್ಲಿ ಸುಲಭ ಜಯ ಸಾಧಿಸಿ ಫೈನಲ್ಗೆ ಎಂಟ್ರಿಕೊಟ್ಟಿದ್ದಾರೆ.
ಈಗಾಗಲೇ 23 ಗ್ರಾಂಡ್ಸ್ಲಾಮ್ ಗೆದ್ದರುವ ಸೆರೆನಾ ಅತಿ ಹೆಚ್ಚು ಗ್ರ್ಯಾಂಡ್ಸ್ಲಾಮ್ ಗೆದ್ದ ಮಹಿಳಾ ಟೆನ್ನಿಸ್ ಆಟಗಾರ್ತಿ ಎನ್ನಿಸಿಕೊಳ್ಳಲು ಒಂದು ಗೆಲುವು ಬೇಕಾಗಿದೆ. 24 ಪ್ರಶಸ್ತಿ ಪಡೆದಿರುವ ಆಸ್ಟ್ರೇಲಿಯಾದ ಮಾರ್ಗರೇಟ್ ಕೋರ್ಟ್ ಅತಿ ಹೆಚ್ಚು ಗ್ರ್ಯಾಂಡ್ಸ್ಲಾಮ್ ಪ್ರಶಸ್ತಿ ಪಡೆದಿದ್ದಾರೆ.
ಮತ್ತೊಂದು ಸೆಮಿಫೈನಲ್ನಲ್ಲಿ ರೊಮೇನಿಯಾದ ಆಟಗಾರ್ತಿ ಸಿಮೋನ್ ಹಾಲೆಪ್ ಉಕ್ರೇನ್ನ ಎಲಿನಾ ಸ್ವಿಟೊಲಿನಾ ಅವರನ್ನು 6-1, 6-3 ರಲ್ಲಿ ಮಣಿಸುವ ಮೂಲಕ ಫೈನಲ್ಗೆ ಎಂಟ್ರಿ ಕೊಟ್ಟಿದ್ದಾರೆ.
ಹಾಲೆಪ್ ಜುಲೈ 13 ರಂದು ನಡೆಯುವ ಫೈನಲ್ನಲ್ಲಿ ಅಮೆರಿಕಾದ ಸೆರೆನಾ ವಿಲಿಯಮ್ಸ್ ಎದುರು ಸೆಣಸಾಡಲಿದ್ದಾರೆ.
