ಮೆಲ್ಬೋರ್ನ್: 2020ರ ಆಸ್ಟ್ರೇಲಿಯನ್ ಓಪನ್ ಚಾಂಪಿಯನ್ಶಿಪ್ನ ಬಹುಮಾನ ಮೊತ್ತವಾಗಿ 71 ಮಿಲಿಯನ್ ಆಸ್ಟ್ರೇಲಿಯನ್ ಡಾಲರ್ (49.1 ಮಿಲಿಯಯನ್ ಅಮೆರಿಕನ್) ಡಾಲರ್ ಮೀಸಲಿಡಲಾಗಿದೆ.
ಆಸ್ಟ್ರೇಲಿಯನ್ ಓಪನ್ನ ಪುರುಷರ ಮತ್ತು ಮಹಿಳೆಯರ ಸಿಂಗಲ್ ವಿಭಾಗದ ವಿಜೇತರು 4.1 ಮಿಲಿಯನ್ ಆಸ್ಟ್ರೇಲಿಯನ್ ಡಾಲರ್ ಮೊತ್ತವನ್ನು ಪಡೆಯಲಿದ್ದಾರೆ. ಇದು ಕಳೆದ ಬಾರಿಯ ಮೊತ್ತಕ್ಕಿಂತ ಶೇ 13.6ರಷ್ಟು ಹೆಚ್ಚಾಗಿದೆ. 2010ರ ಬಹುಮಾನದ ಮೊತ್ತದ ಎರಡು ಪಟ್ಟು ಮೊತ್ತವನ್ನು 2020ರ ಚಾಂಪಿಯನ್ಗಳು ಪಡೆಯಲಿದ್ದಾರೆ.
ಮೊದಲ ಸುತ್ತಿಗೆ ಅರ್ಹತೆ ಪಡೆದವರು 20,000 ಆಸ್ಟ್ರೇಲಿಯನ್ ಡಾಲರ್ ಪಡೆಯಲಿದ್ದಾರೆ. ಇನ್ನು ನೇರ ಅರ್ಹತೆ ಪಡೆದಿದ್ದವರೂ ಮೊದಲ ಸುತ್ತಿನಲ್ಲಿ ಸೋತರೆ 90,000 ಅಸ್ಟ್ರೇಲಿಯನ್ ಡಾಲರ್ ಪಡೆಯಲಿದ್ದಾರೆ.
ಆಸ್ಟ್ರೇಲಿಯನ್ ಓಪನ್ ಟೂರ್ನಮೆಂಟ್ನ ಡೈರೆಕ್ಟರ್ ಕ್ರೈಗ್ ಟೈಲಿ ಮಾತನಾಡಿ, ಅಂತಾರಾಷ್ಟ್ರೀಯ ಆಟಗಾರರು ಹೆಚ್ಚು ಟೂರ್ನಿಯಲ್ಲಿ ಭಾಗವಹಿಸುವಂತೆ ಮಾಡಲು ಬಹುಮಾನ ಹೆಚ್ಚಳವೂ ಒಂದು ಭಾಗವಾಗಿದೆ. 2007ರಲ್ಲಿ 20 ಮಿಲಿಯನ್ ಆಸ್ಟ್ರೇಲಿಯನ್ ಡಾಲರ್ ಇದ್ದ ಬಹುಮಾನ ಮೊತ್ತ 71 ಮಿಲಿಯನ್ ಡಾಲರ್ಗೆ ಹೆಚ್ಚಳವಾಗಿದೆ. ಅಂದರೆ ಸುಮಾರು 3 ಪಟ್ಟು ಹೆಚ್ಚಾಗಿದೆ ಎಂದು ತಿಳಿಸಿದ್ದಾರೆ.
