ಅಹ್ಮದಾಬಾದ್: ಪ್ರೊ ಕಬಡ್ಡಿ ಲೀಗ್ನ ಅಹ್ಮದಾಬಾದ್ ಚರಣದಲ್ಲಿ ತಮಿಳ್‌ ತಲೈವಾಸ್ ತಂಡ ಗುಜರಾತ್ ಫಾರ್ಚೂನ್‌ ಜೈಂಟ್ಸ್‌ನ್ನು 34-28 ಅಂಕಗಳಿಂದ ಮಣಿಸಿದೆ. ಎರಡನೇ ಪಂದ್ಯದಲ್ಲಿ ದಬಾಂಗ್ ಡೆಲ್ಲಿ 32-30 ಅಂತರದಿಂದ ಪುಣೇರಿಗೆ ಸೋಲುಣಿಸಿತು.
ಮೊದಲ ಪಂದ್ಯದಲ್ಲಿ ತಲೈವಾಸ್ ಸ್ಟಾರ್ ರೈಡರ್‌ ಅಜಯ್ ಠಾಕೂರ್ (9) ರಾಹುಲ್‌ ಚೌಧರಿ (4) ಅತ್ಯುತ್ತಮ ರೈಡಿಂಗ್ ಹಾಗೂ ಮೋಹಿತ್ ಚಿಲ್ಲಾರ್‌ (5 ಅಂಕ) ಮಂಜೀತ್ ಚಿಲ್ಲಾರ್‌ (4 ಅಂಕ) ಉತ್ತಮ ಟ್ಯಾಕಲ್‌ ನೆರವಿನಿಂದ 34-28 ರಲ್ಲಿ ಗುಜರಾತ್ಗೆ ಸೋಲುಣಿಸಿತು.
ಗುಜರಾತ್ ರೈಡರ್‌ ರೋಹಿತ್‌ ಗುಲಿಯಾ (9), ಸುನೀಲ್‌ ಕುಮಾರ್ (6 ) ಮತ್ತು ಸಚಿನ್‌ (5) ಗುಜರಾತ್ ಗೆಲುವಿಗಾಗಿ ಹೋರಾಟ ಮಾಡಿದರೂ ತಲೈವಾಸ್ ಕೌಶಲ್ಯದ ಮುಂದೆ ಸೋಲೊಪ್ಪಿಕೊಳ್ಳಬೇಕಾಯಿತು.
ದಬಾಂಗ್ ಡೆಲ್ಲಿಗೆ ಮತ್ತೊಂದು ರೋಚಕ ಜಯ:
ನವೀನ್ ಕುಮಾರ್(11) ಚಂದ್ರನ್ ರಂಜಿತ್ (8) ಸೂಪರ್ ರೈಡಿಂಗ್‌ನಲ್ಲೂ, ರವೀಂದ್ರ ಪಹಲ್(3) ವಿಶಾಲ್ ಮಾನೆ(2) ಹಾಗೂ ವಿಜಯ್(2) ಅಮೋಘ ಟ್ಯಾಕಲ್‌ ನೆರವಿಂದ ದಬಾಂಗ್ ಡೆಲ್ಲಿ 32-30 ರಿಂದ ಪಲ್ಟನ್ಗೆ ಶಾಕ್ ನೀಡಿತು.
ಕೊನೆಯವೆರೆಗೂ ಗೆಲುವಿಗಾಗಿ ಹೋರಾಡಿದ ಪಲ್ಟನ್ ಪರ ನಿತಿನ್ ತೋಮರ್ 8, ಪಂಕಜ್ ಮೋಹಿತ್ 7 ಮಂಜೀತ್ 6 ಗಿರೀಶ್ 4 ಅಂಕ ಪಡೆದರೂ 2 ಅಂಕಗಳ ಹಿನ್ನೆಡೆ ಅನುಭವಿಸಿ ತಂಡ ಸೋಲೊಪ್ಪಿಕೊಂಡಿತು.
