ಟೋಕಿಯೋ (ಜಪಾನ್): ಪ್ಯಾರಾಲಿಂಪಿಕ್ನಲ್ಲಿ ಭಾರತದ ಯಶಸ್ಸಿನ ನಾಗಾಲೋಟ ಮುಂದುವರಿದಿದೆ. ಇದೀಗ ಬ್ಯಾಡ್ಮಿಂಟನ್ ಪುರುಷರ ಸಿಂಗಲ್ಸ್ ವಿಭಾಗದಲ್ಲಿ ಪ್ರಮೋದ್ ಭಗತ್ ಫೈನಲ್ ಪ್ರವೇಶಿಸಿದ್ದಾರೆ.
ಈ ಮೂಲಕ ಭಾರತಕ್ಕೆ ಮತ್ತೊಂದು ಪದಕ ಖಚಿತವಾಗಿದೆ. ಈಗಾಗಲೇ ಭಾರತ 13 ಪದಕ ಗೆದ್ದುಕೊಂಡು ಪದಕ ಪಟ್ಟಿಯಲ್ಲಿ 37ನೇ ಸ್ಥಾನದಲ್ಲಿದೆ. ಪ್ರಮೋದ್ ಭಗತ್ ಸೆಮಿ ಫೈನಲ್ನಲ್ಲಿ ಜಪಾನ್ನ ಡೈಸೂಕ್ ಫುಜಿಹಾರ್ ವಿರುದ್ಧ ಗೆಲುವು ಸಾಧಿಸಿ ಫೈನಲ್ಗೆ ಲಗ್ಗೆ ಇಟ್ಟಿದ್ದಾರೆ.
21-11, 21-16 ನೇರ ಸೆಟ್ಗಳ ಮೂಲಕ ಫೈನಲ್ ಪ್ರವೇಶಿಸಿದ್ದಾರೆ. ಮೊದಲ ಸೆಟ್ನಲ್ಲಿ ಜಪಾನ್ ಸ್ಪರ್ಧಾಳು 2 ಅಂಕಗಳ ಮುನ್ನಡೆ ಸಾಧಿಸಿದ್ದರು, ಆದರೆ ಕೆಲವೇ ಹೊತ್ತಲ್ಲಿ ಪ್ರಮೋದ್ ಮುನ್ನಡೆ ಕಾಯ್ದಕೊಂಡರು. ಇದಾದ ಬಳಿಕ ಜಪಾನ್ ಶಟ್ಲರ್ ಹಿಂದೆಯೇ ಉಳಿದರು. 2ನೇ ಸುತ್ತಿನಲ್ಲಿ ಕೇವಲ 21 ನಿಮಿಷದಲ್ಲಿಯೇ ಸೆಟ್ ಪಾಯಿಂಟ್ ತಮ್ಮದಾಗಿಸಿಕೊಂಡರು.
ಓದಿ: Tokyo Paralympics: ಆರ್ಚರಿಯಲ್ಲಿ ಮೊದಲ ಕಂಚಿನ ಪದಕ ತಂದುಕೊಟ್ಟ ಹರ್ವಿಂದರ್ ಸಿಂಗ್
