ಟೋಕಿಯೋ (ಜಪಾನ್): ಟೋಕಿಯೋ ಪಾರಾಲಿಂಪಿಕ್ನ ಪುರುಷರ ಸಿಂಗಲ್ಸ್ ಬ್ಯಾಡ್ಮಿಂಟನ್ ವಿಭಾಗದಲ್ಲಿ ಭಾರತದ ಕ್ರೀಡಾಪಟುಗಳು ದಾಖಲೆ ಬರೆದಿದ್ದಾರೆ. ಭಾರತದ ಮೂವರು ಶಟ್ಲರ್ಸ್ ಸಿಂಗಲ್ಸ್ ವಿಭಾಗದಲ್ಲಿ ಫೈನಲ್ ಪ್ರವೇಶಿಸಿದ್ದಾರೆ.
ಪ್ರಮೋದ್ ಭಗತ್, ಕೃಷ್ಣ ನಗರ್ ಹಾಗೂ ಕನ್ನಡಿಗ ಸುಹಾಸ್ ಯಥಿರಾಜ್ ಫೈನಲ್ ಅರ್ಹತೆ ಪಡೆದಿರುವ ಕ್ರೀಡಾಳುಗಳಾಗಿದ್ದಾರೆ. ಈ ಮೂಲಕ ಭಾರತಕ್ಕೆ ಮೂರು ಪದಕಗಳ ಸೇರ್ಪಡೆ ಖಾತ್ರಿಯಾಗಿದೆ. ವಿಶ್ವ ನಂಬರ್ ಒನ್ ಆಟಗಾರ 33 ವರ್ಷದ ಪ್ರಮೋದ್ ಭಗತ್ 21-11, 21-16 ನೇರ ಸೆಟ್ಗಳ ಅಂತರದಿಂದ ಜಪಾನ್ನ ಆಟಗಾರನ ವಿರುದ್ಧ ಜಯದಾಖಲಿಸಿದರು. ಇಂದು ಮಧ್ಯಾಹ್ನ ನಡೆಯಲಿರುವ ಫೈನಲ್ ಪಂದ್ಯದಲ್ಲಿ ಭಾರತಕ್ಕೆ ಮತ್ತೊಂದು ಬಂಗಾರ ಪದಕದ ನಿರೀಕ್ಷೆಯಿದೆ.
ಇನ್ನೋರ್ವ ಶಟ್ಲರ್ ಕೃಷ್ಣ ನಗರ್, ಸೆಮಿಫೈನಲ್ನಲ್ಲಿ ಗ್ರೇಟ್ ಬ್ರಿಟರ್ ಆಟಗಾರ ಕ್ರಿಸ್ಟನ್ ಕೂಂಬ್ಸ್ ವಿರುದ್ಧ 21-10, 21-11ರ ಸೆಟ್ನಲ್ಲಿ ಜಯಗಳಿಸಿ ಫೈನಲ್ಗೆ ಲಗ್ಗೆ ಇಟ್ಟಿದ್ದಾರೆ. 22 ವರ್ಷದ ಇವರು ನಾಳೆ ಹಾಂಕಾಂಗ್ನ ಚು ಮಾನ್ ಕೈ ಅವರನ್ನು ಎದುರಿಸಲಿದ್ದು, ಚಿನ್ನಕ್ಕಾಗಿ ಹೋರಾಡಲಿದ್ದಾರೆ.
ಕನ್ನಡಿಗ ಸುಹಾಸ್ ಯಥಿರಾಜ್ ಫೈನಲ್ಗೆ
ಕನ್ನಡಿಗೆ ಸುಹಾಸ್ ಇಂಡೋನೇಷ್ಯಾದ ಫ್ರೆಡಿ ಸೆಟಿಯಾವಾನ್ ವಿರುದ್ಧದ ಸೆಮಿಫೈನಲ್ ಪಂದ್ಯದಲ್ಲಿ 21-9, 21-15 ಸೆಟ್ಗಳ ಮೂಲಕ ಗೆಲುವು ಪಡೆದು ಫೈನಲ್ಗೆ ಅರ್ಹತೆ ಪಡೆದರು. ಇವರು ಪ್ರಸ್ತುತ ನೋಯ್ಡಾದ ಜಿಲ್ಲಾಧಿಕಾರಿಯಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ನಾಳೆ ನಡೆಯಲಿರುವ ಫೈನಲ್ ಪಂದ್ಯದಲ್ಲಿ ಫ್ರಾನ್ಸ್ನ ಲೂಕಾಸ್ ಮಝೂರ್ ಅವರನ್ನ ಎದುರಿಸಲಿದ್ದಾರೆ.
