ಮೆಲ್ಬೋರ್ನ್: ಭಾರತದ ಟಾಪ್ ಸಿಂಗಲ್ ಟೆನ್ನಿಸ್ ಆಟಗಾರ ಪ್ರಜ್ನೇಶ್ ಗುಣೇಶ್ವರನ್ ಕ್ವಾಲಿಫೈಯರ್ ಪಂದ್ಯದಲ್ಲಿ ಸೋಲನುಭವಿಸಿದರೂ 'ಲಕ್ಕಿ ಲೂಸರ್' ವಿಭಾಗದಲ್ಲಿ ಆಸ್ಟ್ರೇಲಿಯಾ ಓಪನ್ನ್ಗೆ ಪ್ರವೇಶ ಪಡೆದಿದ್ದಾರೆ.
ಪ್ರಜ್ನೇಶ್ ಕ್ವಾಲಿಫೈಯರ್ ಸುತ್ತಿನಲ್ಲಿ ಲಾಟ್ವಿಯಾದ ಎರ್ನೆಸ್ಟ್ಸ್ ಗುಲ್ಬಿಸ್ ವಿರುದ್ಧ 6-7(2), 2-6ರಲ್ಲಿ ಸೋಲನುಭವಿಸುವ ಮೂಲಕ ಟೂರ್ನಿಯಿಂದ ಹೊಬಿದ್ದಿದ್ದರು.
ಆದರೆ ಟೂರ್ನಿಯಲ್ಲಿ ಅಲೆಕ್ಸ್ ಡಿ ಮೈನವುರ್ ಮತ್ತು ಪೊಲೆಂಡ್ ಕಾಮಿಲ್ ಮೈಕ್ಷಾಕ್ ಗಾಯದ ಕಾರಣ ಟೂರ್ನಿಯಿಂದ ಹೊರಬಿದ್ದಿದ್ದರು. ನಿಕೋಲಸ್ ಜರ್ರಿ ಡೂಪಿಂಗ್ ಅಮಾನತಿಗೆ ಒಳಗಾಗಿದ್ದಾರೆ. ಇವರ ಸ್ಥಾನಕ್ಕಾಗಿ ಕ್ವಾಲಿಫೈರ್ನಲ್ಲಿ ಸೋಲನುಭಿವಿಸಿದ್ದ 5 ಆಟಗಾರರನ್ನು 'ಲಕ್ಕಿ ಲೂಸರ್' ಕೋಟಾದಡಿ ಆಸ್ಟ್ರೇಲಿಯಾ ಓಪನ್ಗೆ ಅರ್ಹತೆ ಪಡೆದಿದ್ದಾರೆ.
ಗುಣೇಶ್ವರನ್ ತಮ್ಮ ಮೊದಲ ಪಂದ್ಯದಲ್ಲಿ ಜಪಾನ್ನ ತತ್ಸುಮ ಇಟೋ ಅವರನ್ನು ಎದುರಿಸಲಿದ್ದಾರೆ. ಇವರನ್ನು ಮಣಿಸಿದರೆ ಗುಣೇಶ್ವರನ್ ತಮ್ಮ ಎರಡನೇ ಸುತ್ತಿನಲ್ಲಿ ವಿಶ್ವದ 2 ನೇ ಶ್ರೇಯಾಂಕದ ಸರ್ಬಿಯಾದ ನುವಾಕ್ ಜೋಕೊವಿಕ್ರನ್ನು ಎದುರಿಸುವ ಸೌಭಾಗ್ಯ ಸಿಗಲಿದೆ.
