ರೋಮ್‌: ವಿಶ್ವದ ನಂಬರ್ 1 ಶ್ರೇಯಾಂಕದ ನೊವಾಕ್ ಜೋಕೋವಿಕ್ ಇಟಾಲಿಯನ್ ಓಪನ್ ಕ್ವಾರ್ಟರ್ ಫೈನಲ್ಸ್ನಲ್ಲಿ ಗ್ರೀಕ್ನ ಸ್ಟೆಫಾನೊಸ್‌ ಸಿಟ್ಸಿಪಾಸ್ ಅವರನ್ನು ಮಣಿಸಿ ಸೆಮಿಫೈನಲ್‌ಗೆ ಪ್ರವೇಶಿಸಿದ್ದಾರೆ.
ಶನಿವಾರ ನಡೆದ ಕ್ವಾರ್ಟರ್‌ಫೈನಲ್‌ ಹಣಾಹಣಿಯಲ್ಲಿ ಸರ್ಬಿಯನ್ ತಾರೆ ಸಿಟ್ಸಿಪಾಸ್ ವಿರುದ್ಧ 4-6, 7-5, 7-5 ಸೆಟ್ಗಳ ಅಂತರದಿಂದ ಜಯ ಸಾಧಿಸಿ ಸತತ 8ನೇ ಬಾರಿ ಇಟಾಲಿಯನ್ ಓಪನ್‌ನಲ್ಲಿ ಸೆಮಿಫೈನಲ್ ಪ್ರವೇಶಿಸಿದ್ದಾರೆ. ಜೋಕೊವಿಕ್ ಎಂಟರಲ್ಲಿ ಐದು ಬಾರಿ ಚಾಂಪಿಯನ್ ಆಗಿದ್ದಾರೆ.
ಮೊದಲ ದಿನ ಮಳೆಗೆ ಪಂದ್ಯ ಮುಂದೂಡುವ ಮುನ್ನ ಸಿಟ್ಸಿಪಾಸ್ ಮೊದಲ ಸೆಟ್ ಅನ್ನು 6-4ರಲ್ಲಿ ಗೆಲುವು ಸಾಧಿಸಿ 2ನೇ ಸೆಟ್ಅನ್ನು 2-1ರಲ್ಲಿ ಮುನ್ನಡೆ ಸಾಧಿಸಿದ್ದರು. ಆದರೆ, ಶನಿವಾರ ಮುಂದುವರಿದ ಪಂದ್ಯದಲ್ಲಿ ಜೋಕೊವಿಕ್ ಪ್ರಾಬಲ್ಯ ಸಾಧಿಸಿ ಗೆದ್ದುಕೊಂಡರು.
ನೊವಾಕ್ ಸೆಮಿಫೈನಲ್‌ನಲ್ಲಿ ಪಂದ್ಯದಲ್ಲಿ ಅವರು ಇಟಲಿಯ ಲೊರೆಂಜೊ ಸೋನೆಗೊ ಅವರನ್ನು ಎದುರಿಸುವರು. ಮತ್ತೊಂದು ಸೆಮಿಫೈನಲ್ ಪಂದ್ಯ ಇಂದು ನಡೆಯಲಿದ್ದು, ಅದರಲ್ಲಿ 2ನೇ ಶ್ರೇಯಾಂಕದ ನಡಾಲ್ ಅಮೆರಿಕಾದ ರೀಲೀ ಒಪೆಲ್ಕಾ ಅವರನ್ನು ಎದುರಿಸಲಿದ್ದಾರೆ.
ಇದನ್ನು ಓದಿ: 90 ಸಾವಿರ ಕುಟುಂಬಗಳಿಗೆ ರೇಷನ್ ಕೊಟ್ಟ ಪಠಾಣ್; ಈಗ ಮತ್ತೊಂದು ಸಾಮಾಜಮುಖಿ ಕಾರ್ಯ!
