ಮೂರು ದಶಕಗಳ ವೃತ್ತಿ ಜೀವನಕ್ಕೆ ವಿದಾಯ ಹೇಳಲಿದ್ದಾರೆ ಟೆನ್ನಿಸ್​ ದಿಗ್ಗಜ

ಡಿಸೆಂಬರ್​ 25 ರಂದು ಕ್ರಿಸ್​ಮಸ್​ಗೆ ಶುಭಕೋರಿರುವ ಭಾರತದ ಖ್ಯಾತ ಟಿನ್ನಿಸ್ ಆಟಗಾರ ಲಿಯಾಂಡರ್ ಪೇಸ್​ ಒಂದು ಸುದೀರ್ಘ ಪತ್ರವನ್ನು ಟ್ವಿಟರ್​ನಲ್ಲಿ ಪೋಸ್ಟ್​ ಮಾಡುವ ಮೂಲಕ ನಿವೃತ್ತಿಯ ಸುಳಿವು ನೀಡಿದ್ದಾರೆ.

ನವದೆಹಲಿ: ಭಾರತ ಕಂಡ ಶ್ರೇಷ್ಠ ಟೆನ್ನಿಸ್​ ಪಟು ಲಿಯಾಂಡರ್​ ಪೇಸ್​ ತಮ್ಮ 29 ವರ್ಷಗಳ ಟನ್ನಿಸ್‌ ಜೀವನಕ್ಕೆ ಮುಂದಿನ ವರ್ಷ ಗುಡ್‌ಬೈ ಹೇಳಲಿದ್ದಾರೆ.

ಡಿಸೆಂಬರ್​ 25 ರಂದು ಕ್ರಿಸ್​ಮಸ್​ಗೆ ಶುಭಕೋರುವ ಪೇಸ್​ ಒಂದು ಸುದೀರ್ಘ ಪತ್ರವನ್ನು ಟ್ವಿಟರ್​ನಲ್ಲಿ ಪೋಸ್ಟ್​ ಮಾಡುವ ಮೂಲಕ ನಿವೃತ್ತಿ ಸುಳಿವು ಕೊಟ್ಟರು.
"ನಾನು 2020ರ ವರ್ಷವನ್ನು ಎದುರು ನೋಡುತ್ತಿದ್ದು, ಕೆಲವೇ ಟೂರ್ನಿಗಳಲ್ಲಿ ಆಡಲು ನಿಶ್ಚಯಿಸಿದ್ದೇನೆ.ಈ ಮೂಲಕ ವಿಶ್ವದ ನನ್ನ ಎಲ್ಲಾ ಅಭಿಮಾನಿಗಳು ಹಾಗೂ ನನ್ನ ತಂಡದ ಜೊತೆ ನಿವೃತ್ತಿ ಪಂದ್ಯಗಳನ್ನು ಎಂಜಾಯ್​ ಮಾಡಲು ಬಯಸಿದ್ದೇನೆ. ಇಷ್ಟು ವರ್ಷಗಳ ಕಾಲ ನನಗೆ ಪ್ರೇರಣೆಯಾದ ಹಾಗೂ ನನಗೆ ಬೆಂಬಲ ನೀಡಿದ ಎಲ್ಲಾ ಸ್ನೇಹಿತರಿಗೂ ಧನ್ಯವಾದ" ಎಂದು ಬರೆದುಕೊಂಡಿದ್ದಾರೆ.

• #OneLastRoar pic.twitter.com/WwALCVF5LO

  — Leander Paes (@Leander) December 25, 2019 " class="align-text-top noRightClick twitterSection" data="

  #OneLastRoar pic.twitter.com/WwALCVF5LO

  — Leander Paes (@Leander) December 25, 2019

  ">

  #OneLastRoar pic.twitter.com/WwALCVF5LO

  — Leander Paes (@Leander) December 25, 2019

46 ವರ್ಷ ಪ್ರಾಯದ ಲಿಯಾಂಡರ್ ಪೇಸ್​ 1991ರಲ್ಲಿ ಟೆನ್ನಿಸ್​ ಜಗತ್ತಿಗೆ ಕಾಲಿಟ್ಟಿದ್ದರು. 2020ಕ್ಕೆ ಟೆನ್ನಿಸ್​ನಲ್ಲಿ 30 ವರ್ಷವನ್ನು ಯಶಸ್ವಿಯಾಗಿ ಪೂರೈಸಲಿದ್ದಾರೆ. ಪೇಸ್​ ಭಾರತದ ಮತ್ತೊಬ್ಬ ದಿಗ್ಗಜ ಮಹೇಶ್​ ಭೂಪತಿ ಜೊತೆ ಸೇರಿ ಡಬಲ್ಸ್​ನಲ್ಲಿ ವಿಶ್ವದ ನಂಬರ್​ ಒನ್​ ಜೋಡಿ ಎನಿಸಿಕೊಂಡಿದ್ದರು. ಇವರಿಬ್ಬರ ಕಾಲದಲ್ಲಿ ಪುರುಷರ ಡಬಲ್ಸ್ ತಂಡ ವಿಶ್ವದಲ್ಲೇ ಬಲಿಷ್ಠವಾಗಿತ್ತು.

ಲಿಯಾಂಡರ್​ ಪೇಸ್​ ಗ್ರ್ಯಾಂಡ್​ಸ್ಲಾಮ್​ ಡಬಲ್ಸ್​ ವಿಭಾಗದಲ್ಲಿ 18 ಪ್ರಶಸ್ತಿ ಗೆದ್ದಿದ್ದಾರೆ. ಇದರಲ್ಲಿ 10 ಮಿಶ್ರ​ ಡಬಲ್ಸ್​ ಹಾಗೂ 8 ಡಬಲ್ಸ್​ ಪ್ರಶಸ್ತಿಗಳು ಸೇರಿವೆ.​ 1996ರ ಅಟ್ಲಾಂಟ ಒಲಿಂಪಿಕ್​ನ ಸಿಂಗಲ್ಸ್​ ವಿಭಾಗದಲ್ಲಿ ಕಂಚಿನ ಪದಕ ಗೆದ್ದಿರುವುದು ಇವರ ಅತ್ಯುತ್ತಮ ಸಾಧನೆಯಾಗಿದೆ. ಇದಲ್ಲದೇ ವೃತ್ತಿ ಜೀವನದಲ್ಲಿ 66 ವಿವಿಧ ಟೆನ್ನಿಸ್​ ಪ್ರಶಸ್ತಿಗಳನ್ನು ಗೆದ್ದಿದ್ದಾರೆ.

7 ಬಾರಿ ಒಲಿಂಪಿಕ್ಸ್​ನಲ್ಲಿ ಪಾಲ್ಗೊಂಡಿರುವ ವಿಶ್ವದ ಏಕೈಕ ಟೆನ್ನಿಸ್​ ಆಟಗಾರ ಎಂಬ ದಾಖಲೆಯನ್ನು ಅವರು ಹೊಂದಿದ್ದಾರೆ. ಡೇವಿಸ್​ ಕಪ್​ನಲ್ಲಿ ಆಡಿರುವ 54 ಡಬಲ್ಸ್​ ಪಂದ್ಯ​ಗಳಲ್ಲಿ 44 ಪಂದ್ಯ ಗೆಲ್ಲುವ ವಿಶ್ವದಲ್ಲೇ ಅತಿ ಹೆಚ್ಚು ಡೇವಿಸ್​ ಕಪ್​ ಪಂದ್ಯ ಗೆದ್ದಿರುವ ಆಟಗಾರ ಎಂಬ ದಾಖಲೆಗೆ ಪಾತ್ರರಾಗಿದ್ದರು.