ನ್ಯೂಯಾರ್ಕ್ : ಭಾರತದ ರೋಹನ್ ಬೋಪಣ್ಣ ಮತ್ತು ಕೆನಡಾದ ಜೊತೆಗಾರ ಡೇನಿಸ್ ಶಪೋವಲೋವ್ ಯುಎಸ್ ಓಪನ್ನಲ್ಲಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದಾರೆ.
ಶನಿವಾರ ನಡೆದ ಪಂದ್ಯದಲ್ಲಿ ಬೋಪಣ್ಣ ಶಪೋವಲೊವ್ ಜೋಡಿ ಜರ್ಮನ್ನ 6ನೇ ಶ್ರೇಯಾಂಕದ ಕೆವಿನ್ ಕ್ರಾವಿಟ್ಜ್ ಮತ್ತು ಅಂಡ್ರಿಯಾಸ್ ಮೀಸ್ ಜೋಡಿಯನ್ನು ಮಣಿಸಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದೆ.
ಒಂದು ಗಂಟೆ 47 ನಿಮಿಷಗಳ ಕಾಲ ನಡೆದ ತೀವ್ರ ಹಣಾಹಣಿಯಲ್ಲಿ ಭಾರತ-ಕೆನಡಾ ಜೋಡಿ ಜರ್ಮನಿಯ ಬಲಿಷ್ಠ ಆಟಗಾರರನ್ನು 4-6, 6-4, 6-3 ಸೆಟ್‍ಗಳಿಂದ ಮಣಿಸಿತು. ಟೂರ್ನಿಯಲ್ಲಿ ಉಳಿದಏಕೈಕ ಭಾರತೀಯ ನಾಗಿರುವ ಬೋಪಣ್ಣ ತಮ್ಮ 2ನೇ ಸುತ್ತಿನ ಪಂದ್ಯದಲ್ಲಿ ಮೊದಲ ಸೆಟ್ ಸೋತರೂ, 2 ಮತ್ತು 3ನೇ ಸೆಟ್ನಲ್ಲಿ ಅತ್ಯುತ್ತಮ ಪ್ರದರ್ಶನ ತೋರುವ ಮೂಲಕ ಪಂದ್ಯವನ್ನು 2-1ರಲ್ಲಿ ಗೆದ್ದು ಕ್ವಾರ್ಟರ್ ಫೈನಲ್‌ಗೆ ಎಂಟ್ರಿಕೊಟ್ಟರು.
ಇಂಡೋ-ಕೆನಡಿಯನ್ ಜೋಡಿ ತಮ್ಮ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಡಚ್‌-ರೊಮೇನಿಯನ್ ಜೋಡಿಯಾದ ಜೀನ್ ಜುಲಿಯನ್ ರೋಜರ್ ಮತ್ತು ಹೋರಿಯಾ ಟೆಕಾವು ಅವರನ್ನು ಸೋಮವಾರ ಎದುರಿಸಲಿದೆ.
ಟೂರ್ನಿಯಲ್ಲಿ ಭಾಗವಹಿಸಿದ್ದ ಮತ್ತಿಬ್ಬರು ಭಾರತೀಯರಾದ ಸುಮಿತ್ ನಗಲ್ ಮತ್ತು ದಿವಿಜ್ ಶರಣ್ ಈಗಾಗಲೇ ಸೋತು ಹೊರಬಿದ್ದಿದ್ದಾರೆ.
