ಪಾರ್ಮಾ(ಇಟಲಿ): ಅಮೆರಿಕದ ಉದಯೋನ್ಮುಖ ಟೆನಿಸ್ ಆಟಗಾರ್ತಿ ಕೊಕೊ ಗೌಫ್, ಚೀನಾದ ವಾಂಗ್ ಕ್ವಿಯಾಂಗ್ ಅವರನ್ನು ಮಣಿಸಿ ಎಮಿಲಾ-ರೊಮಿಗ್ನಾ ಓಪನ್ ಸಿಂಗಲ್ಸ್ ಓಪನ್ ಗೆದ್ದಿದ್ದಾರೆ.
ಶನಿವಾರ ಪಾರ್ಮಾದಲ್ಲಿ ನಡೆದ ಫೈನಲ್ ಪಂದ್ಯದಲ್ಲಿ ವಿಶ್ವದ 30ನೇ ಶ್ರೇಯಾಂಕದ ಗೌಫ್ 6-1, 6-3ರಲ್ಲಿ 48ನೇ ಶ್ರೇಯಾಂಕದ ಚೀನಾ ಆಟಗಾರ್ತಿಯ ವಿರುದ್ಧ ಪ್ರಾಬಲ್ಯಯುತ ಜಯ ಸಾಧಿಸಿ ವೃತ್ತಿ ಜೀವನದ 2ನೇ ಡಬ್ಲ್ಯೂಟಿಎ ಪ್ರಶಸ್ತಿ ಜಯಿಸಿದರು.
ಟೂರ್ನಿಯಲ್ಲಿ 17 ವರ್ಷದ ಯುವ ಆಟಗಾರ್ತಿ ಕೇವಲ ಒಂದೇ ಒಂದು ಸೆಟ್ನಲ್ಲಿ ಮಾತ್ರ ಸೋಲು ಕಂಡಿದ್ದರು. ಕಳೆದ ವಾರ ಅಂತ್ಯಗೊಂಡಿದ್ದ ಇಟಲಿಯನ್ ಓಪನ್ನಲ್ಲಿ ನಾಲ್ಕರ ಘಟ್ಟದಲ್ಲಿ ಸೋಲು ಕಂಡು ನಿರಾಸೆ ಅನುಭವಿಸಿದ್ದರು.
ಇನ್ನು ಕೊಕೊ ಪ್ರಸ್ತುತ ಟೂರ್ನಲ್ಲಿ ಆಡಿರುವ 26 ಪಂದ್ಯಗಳಲ್ಲಿ 20ನೇ ಜಯ ಸಾಧಿಸಿದಂತಾಗಿದೆ. ಅವರು 2019 ಮತ್ತು 2020ರಲ್ಲಿ ಒಟ್ಟು 21 ಪಂದ್ಯಗಳಲ್ಲಿ ಜಯಿಸಿದರು.
ಕೊಕೊ ಸಿಂಗಲ್ಸ್ನಲ್ಲಷ್ಟೇ ಅಲ್ಲದೆ ಡಬಲ್ಸ್ನಲ್ಲೂ ಕಾರ್ಟಿ ಮೆಗ್ನಲ್ಲಿ ಜೊತೆಗೂಡಿ ಸ್ಲೊವಿನಿಯಾದ ಆ್ಯಂಡ್ರೇಜಾ ಕ್ಲೆಪಾಕ್ ಮತ್ತು ಕ್ರೊವೇಷ್ಯಾದ ಡಾರಿಜಾ ಜುರಕ್ ವಿರುದ್ಧ 6-3, 6-2ರಲ್ಲಿ ಗೆಲುವು ಸಾಧಿಸಿದರು.
ಇದನ್ನು ಓದಿ:ಕೊಹ್ಲಿ₹ 6.7 ಲಕ್ಷ ನೆರವು ನೀಡಿದ್ದ ಮಾಜಿ ಮಹಿಳಾ ಕ್ರಿಕೆಟರ್ ತಾಯಿ ನಿಧನ
