ಟೋಕಿಯೊ: ಟೋಕಿಯೋದಲ್ಲಿ ಅಂತಾರಾಷ್ಟ್ರೀಯ ಜಿಮ್ನಾಸ್ಟಿಕ್ಸ್ ಪಂದ್ಯಾವಳಿಯನ್ನು ಆಯೋಜಿಸುವುದಾಗಿ ಅಂತಾರಾಷ್ಟ್ರೀಯ ಜಿಮ್ನಾಸ್ಟಿಕ್ಸ್ ಫೆಡರೇಶನ್ ಪ್ರಕಟಣೆ ಹೊರಡಿಸಿದೆ.
ಅಂತಾರಾಷ್ಟ್ರೀಯ ಸ್ಪರ್ಧೆಗೆ ಮರಳುವ ಭಾಗವಾಗಿ ನವೆಂಬರ್ 8 ರಂದು ಟೋಕಿಯೋದಲ್ಲಿ ವಿಶ್ವದ ಕೆಲವು ಅತ್ಯುತ್ತಮ ಕ್ರೀಡಾಪಟುಗಳನ್ನು ಒಂದುಗೂಡಿಸಲು ಎಫ್ಐಜಿ ವಿಶೇಷವಾದ ಕಲಾತ್ಮಕ ಜಿಮ್ನಾಸ್ಟಿಕ್ ಕಾರ್ಯಕ್ರಮವನ್ನು ಆಯೋಜಿಸಲಿದೆ ಎಂದು ಎಪ್ಐಜಿ ಮಾಧ್ಯಮ ಪ್ರಕಟಣೆಯಲ್ಲಿ ತಿಳಿಸಿದೆ.
ಈ ಸ್ಪರ್ಧೆಯನ್ನು ಜಪಾನ್ ಜಿಮ್ನಾಸ್ಟಿಕ್ ಅಸೋಸಿಯೇಸನ್ ಆತಿಥ್ಯವಹಿಸಲಿದೆ. ಟೀಮ್ ಫ್ರೆಂಡ್ಶಿಪ್ ಮತ್ತು ಟೀಮ್ ಸಾಲಿಡಾರಿಟಿ ಎಂದು ಎರಡು ತಂಡಗಳಿರಲಿದ್ದು , ಜಪಾನ್, ಚೀನಾ ಮತ್ತು ಅಮೆರಿಕದ 32 ಸ್ಪರ್ಧಿಗಳು ಭಾಗವಹಿಸಲಿದ್ದಾರೆ.
‘ಇದೊಂದು ಭರವಸೆಯ ಸ್ಪರ್ಧೆಯಾಗಿದೆ. ಸ್ನೇಹ ಮತ್ತು ಐಕ್ಯತೆಯು ನಮ್ಮನ್ನು ಉತ್ತಮ ದಿನಗಳತ್ತ ಕೊಂಡೊಯ್ಯುತ್ತದೆ‘ ಎಂದು ಎಫ್ಐಜಿ ಅಧ್ಯಕ್ಷ ಮೊರಿನಾರಿ ವಟನಾಬೆ ಹೇಳಿದ್ದಾರೆ.
ಒಂದು ದಿನದ ಈ ಸ್ಪರ್ಧೆ ಯೋಯೋಗಿ ನ್ಯಾಷನಲ್ ಜಿಮ್ನಾಷಿಯಂನಲ್ಲಿ ನಡೆಯಲಿದ್ದು, ಸುಮಾರು 2000 ಅಭಿಮಾನಿಗಳಿಗೆ ಭಾಗವಹಿಸಲು ಅವಕಾಶ ನೀಡಲಾಗಿದೆ.
