ನವದೆಹಲಿ : ಭಾರತದ ಮಾಳವಿಕ ಬನ್ಸೋಡ್ ಸೈಯದ್ ಮೋದಿ ಇಂಟರ್ನ್ಯಾಷನಲ್ ಸೆಮಿಫೈನಲ್ಸ್ನಲ್ಲಿ 16 ವರ್ಷದ ಭಾರತದವರೇ ಆದ ಅನುಪಮ ಉಪಾಧ್ಯಾಯ ವಿರುದ್ಧ ರೋಚಕ ಹೋರಾಟದಲ್ಲಿ ಜಯ ಸಾಧಿಸಿ ಪ್ರಶಸ್ತಿ ಸುತ್ತಿಗೆ ಪ್ರವೇಶಿಸಿದ್ದಾರೆ.
ಭಾರತೀಯ ಯುವ ಶಟ್ಲರ್ಗಳ ನಡುವೆ ರೋಚಕವಾಗಿದ್ದ ಈ ಪಂದ್ಯದಲ್ಲಿ ಮಾಳವಿಕ 19-21, 21-19,21-7 ಗೇಮ್ಗಳ ಅಂತರದಲ್ಲಿ ಗೆಲುವು ಸಾಧಿಸಿದರು. ಮೊದಲೆರಡು ಗೇಮ್ಗಳಲ್ಲಿ ಅತ್ಯುತ್ತಮವಾಗಿ ಆಡಿದ 3ನೇ ಗೇಮ್ ವೇಳೆಗೆ ದಣಿದು ಮಾಳವಿಕಗೆ ಸುಲಭವಾಗಿ ಮಣಿದರು.
20 ವರ್ಷದ ನಾಗ್ಪುರದ ಮಾಳವಿಕ ಬನ್ಸೋಡ್ ಫೈನಲ್ನಲ್ಲಿ 2 ಬಾರಿಯ ಒಲಿಂಪಿಕ್ ಪದಕ ವಿಜೇತ ಹಾಗೂ ಮಾಜಿ ವಿಶ್ವ ಚಾಂಪಿಯನ್ ಪಿವಿ ಸಿಂಧು ಅಥವಾ ರಷ್ಯಾದ ಇವ್ಗೇನಿಯಾ ಕೊಸ್ಟೆತ್ಸ್ಕಾಯಾ ವಿರುದ್ಧ ಸೆಣಸಾಡಲಿದ್ದಾರೆ.
ಸೆಮಿಫೈನಲ್ನಲ್ಲಿ ಮಿಥುನ್ಗೆ ನಿರಾಶೆ : ಪುರುಷರ ವಿಭಾಗದ ಸಿಂಗಲ್ಸ್ನಲ್ಲಿ ಏಕೈಕ ಭರವಸೆಯಾಗಿದ್ದ ಭಾರತದ ಮಿಥುನ್ ಮಂಜುನಾಥ್ ಸೆಮಿಫೈನಲ್ಸ್ನಲ್ಲಿ ಫ್ರಾನ್ಸ್ನ ಅರ್ನಾಡ್ ಮರ್ಕಲ್ ವಿರುದ್ಧ 3 ಸೆಟ್ಗಳ ರೋಚಕ ಪಂದ್ಯದಲ್ಲಿ ಸೋಲು ಕಂಡರು. 19-21, 21-17, 9-21ರಲ್ಲಿ ಸೋಲು ಕಂಡರು.
ಇದನ್ನೂ ಓದಿ: PKL 8 : ಪುಣೇರಿ ಪಲ್ಟನ್ ವಿರುದ್ಧ ಗೆಲುವಿನ ಹಳಿಗೆ ಮರಳಲು ಬುಲ್ಸ್ ಕಾತರ!
