ಪುಣೆ: ಭಾನುವಾರ ರಾತ್ರಿ ನಡೆದ 9ನೇ ಆವೃತ್ತಿಯ ಪ್ರೊ ಕಬಡ್ಡಿ ಲೀಗ್ ಪಂದ್ಯದಲ್ಲಿ ಪುಣೇರಿ ಪಲ್ಟನ್ ವಿರುದ್ದ ಬೆಂಗಳೂರು ಬುಲ್ಸ್ 35-33 ಅಂಕಗಳ ಅಂತರದಿಂದ ಸೋಲಿನ ಕಹಿ ಅನುಭವಿಸಿತು. ಸತತ ಗೆಲುವಿನ ಓಟದಲ್ಲಿದ ಬುಲ್ಸ್ಗೆ ಈ ಮೂಲಕ ಪುಣೇರಿ ಪಲ್ಟನ್ ಬ್ರೇಕ್ ಹಾಕಿದ್ದು, ಅಂಕಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಿತು. ಕೊನೆಯ ಕ್ಷಣದಲ್ಲಿ ಅತಿಹೆಚ್ಚು ಅಂಕಗಳಿಸಿದರೂ ಬುಲ್ಸ್ಗೆ ಗೆಲುವು ಒಲಿಯಲಿಲ್ಲ. ಪರಿಣಾಮ, ಎರಡನೇ ಸ್ಥಾನಕ್ಕೆ ಜಾರಿತು.
ಪಲ್ಟನ್ ಮೊದಲ 10 ನಿಮಿಷಗಳಲ್ಲಿ ಪಂದ್ಯದ ಮೊದಲ ಆಲ್‌ಔಟ್ ಮಾಡಿ 14-4 ಮುನ್ನಡೆ ಕಾಯ್ದುಕೊಂಡಿತು. ವಿರಾಮದ ವೇಳೆಗೆ 20-10 ರಿಂದ 10 ಪಾಯಿಂಟ್‌ಗಳಲ್ಲಿ ಮುನ್ನಡೆ ಸಾಧಿಸಿತ್ತು. ಬುಲ್ಸ್ ಆಟಗಾರರು ದ್ವಿತೀಯಾರ್ಧವನ್ನು ಸೂಪರ್ ಟ್ಯಾಕಲ್‌ನೊಂದಿಗೆ ಪ್ರಾರಂಭಿಸಿ ಗೆಲುವಿನ ಭರವಸೆ ಮೂಡಿಸಿದರು. ಒಂದು ಹಂತದಲ್ಲಿ ಬುಲ್ಸ್ 26-12 ರಷ್ಟು ಬೃಹತ್ ಹಿನ್ನಡೆ ಅನುಭವಿಸಿದ್ರೂ, ನಂತರ ಕೊನೆಯ 5 ನಿಮಿಷಗಳಲ್ಲಿ ಭರತ್ ಅವರ ಮಿಂಚಿನ ಆಟದಿಂದ 33-33 ಸಮಬಲ ಸಾಧಿಸುವಲ್ಲಿ ಯಶಸ್ವಿಯಾಯಿತು. ಆದರೆ ಕೊನೆಯ ಮಾಡು ಇಲ್ಲವೇ ಮಡಿ ರೈಡ್ನಲ್ಲಿ ಇನಾಮ್‌ದಾರ್, ಪಲ್ಟನ್ ಪರ ರೈಡ್ ಮಾಡಿ ತಂಡಕ್ಕೆ ಗೆಲುವು ತಂದುಕೊಟ್ಟರು.
ಇದನ್ನೂ ಓದಿ: ಪ್ರೋ ಕಬಡ್ಡಿ ಲೀಗ್: ತಲೈವಾಸ್‌ ಮೇಲೆ ಬುಲ್ಸ್ ಸವಾರಿ, ಅಗ್ರಸ್ಥಾನ ತಲುಪಿದ ಬೆಂಗಳೂರು
