ಹೈದರಾಬಾದ್: ಪ್ರೋ ಕಬಡ್ಡಿಯ 2019ರ ಸೀಸನ್ನ 2ನೇ ಪಂದ್ಯದಲ್ಲಿ ಬೆಂಗಳೂರು ಬುಲ್ಸ್ ತಂಡ ಗುಜರಾತ್ ಫಾರ್ಚುನ್ ಜೈಂಟ್ಸ್ ವಿರುದ್ಧ 24-42 ರಲ್ಲಿ ಸೋಲನುಭವಿಸಿದೆ.
ಮೊದಲ ಪಂದ್ಯದಲ್ಲಿ 34-32 ರಲ್ಲಿ ರೋಚಕ ಜಯ ಕಂಡಿದ್ದ ಬೆಂಗಳೂರು ಬುಲ್ಸ್ ತನ್ನ ಎರಡನೇ ಪಂದ್ಯದಲ್ಲಿ ಹೀನಾಯ ಪ್ರದರ್ಶನ ತೋರುವ ಮೂಲಕ ಗುಜರಾತ್ ವಿರುದ್ದ ಸೋಲೊನುಭವಿಸಿದೆ.
ಎರಡು ತಂಡಗಳು ರೈಡಿಂಗ್ನಲ್ಲಿ ತಲಾ 17 ಅಂಕ ಪಡೆಯುವ ಮೂಲಕ ಅದ್ಭುತ ಪ್ರದರ್ಶನವನ್ನೆ ತೋರಿದವು. ಅದರೆ ಟ್ಯಾಕಲ್ನಲ್ಲಿ ಗುಜತಾತ್ ತಂಡ ಬುಲ್ಸ್ ತಂಡವನ್ನು ಸಂಪೂರ್ಣವಾಗಿ ತನ್ನ ಬಲೆಗೆ ಬೀಳಿಸಿಕೊಂಡಿತು. ಗುಜರಾತ್ ಟ್ಯಾಕಲ್ನಲ್ಲಿ 17ನ ಅಂಕಗಳಿಸಿಕೊಂಡರೆ, ಬುಲ್ಸ್ ಕೇವಲ 6 ಅಂಕ ಪಡೆಯಿತು. ಅಲ್ಲದೆ 2 ಬಾರಿ ಆಲೌಟ್ ಆಗುವ ಮೂಲಕ ಹೀನಾಯ ಸೋಲು ಕಂಡಿತು.
ಬುಲ್ಸ್ ಪರ ಪವನ್ ಕುಮಾರ್ 8 ರೈಡಿಂಗ್ ಪಾಯಿಂಟ್,ಸುಮಿತ್ ಸಿಂಗ್ 5, ಮಹೇಂದ್ರ ಸಿಂಗ್ 3 ಟ್ಯಾಕಲ್ ಹಾಗೂ ಹಾಗೂ ಒಂದು ಬೋನಸ್ ಸೇರಿ 4 , ರೋಹಿತ್ ಕುಮಾರ್ 4 ಅಂಕ ಪಡೆದರು.
ಭರ್ಜರಿ ಗೆಲುವು ಸಾಧಿಸಿದ ಗುಜರಾತ್ ತಂಡದ ರೈಡರ್ಗಳಾದ ಸಚಿನ್ 7, ಸೋನು 5,ರೋಹಿತ್ ಗುಲಿಯಾ 3 ಅಂಕ ಪಡೆದರೆ, ಡಿಫೆಂಡರ್ಗಳಾದ ಮೋರೆ ಜಿ.ಬಿ 6, ಸುನಿಲ್ ಕುಮಾರ್ 6 ಸುಮಿತ್ 6, ಪರ್ವೇಸ್ ಭೈನ್ಸ್ವಾಲ್ 2 ಅಂಕ ಪಡೆದುಕೊಂಡರು.
