ಸೂರತ್(ಗುಜರಾತ್): ಸೂರತ್ನಲ್ಲಿ ನಡೆದ ರಾಷ್ಟ್ರೀಯ ಗೇಮ್ಸ್ ಪುರುಷರ ಟೇಬಲ್ ಟೆನ್ನಿಸ್ನಲ್ಲಿ ಮಾನ್ವ ಠಕ್ಕರ್ ಹಾಗೂ ಹರ್ಮೀತ್ ದೇಸಾಯಿ ಚಿನ್ನಕ್ಕೆ ಮುತ್ತಿಕ್ಕಿದ್ದಾರೆ. ಈ ಪದಕವನ್ನ ಸೂರತ್ ಜನರಿಗೆ ಅರ್ಪಣೆ ಮಾಡಿದ್ದಾರೆ. ಸೂರತ್ನಲ್ಲಿ ನಡೆದ 36ನೇ ರಾಷ್ಟ್ರೀಯ ಗೇಮ್ಸ್ನಲ್ಲಿ ಭಾಗಿಯಾಗಿದ್ದ ಈ ಜೋಡಿ ಟಿಟಿ ಪುರುಷರ ವಿಭಾಗದಲ್ಲಿ ಎದುರಾಳಿ ದೆಹಲಿ ಆಟಗಾರರ ವಿರುದ್ಧ ಗೆಲುವು ಸಾಧಿಸಿ ಚಿನ್ನಕ್ಕೆ ಮುತ್ತಿಕ್ಕಿದೆ.
ಇದನ್ನೂ ಓದಿ: IND vs AUS 2nd T20: ಸರಣಿ ಗೆಲುವಿನತ್ತ ಕಾಂಗರೂ ಚಿತ್ತ.. ತಿರುಗೇಟು ನೀಡುತ್ತಾ ರೋಹಿತ್ ಬಳಗ?
ಚಿನ್ನ ಗೆದ್ದ ಬೆನ್ನಲ್ಲೇ ಮಾತನಾಡಿದ ಮಾನ್ವ ಠಕ್ಕರ್, ಗೇಮ್ಸ್ನಲ್ಲಿ ಚಿನ್ನ ಗೆದ್ದಿರುವುದು ಸಂತಸ ಮೂಡಿಸಿದೆ. ಪದಾರ್ಪಣೆ ಟೂರ್ನಿಯಲ್ಲೇ ಪದಕಕ್ಕೆ ಮುತ್ತಿಕ್ಕಿದ್ದು, ನನ್ನ ಉತ್ಸಾಹವನ್ನ ಮತ್ತಷ್ಟು ಇಮ್ಮಡಿಗೊಳಿಸಿದೆ. ನಾನು ಕೇವಲ ಗುಜರಾತ್ಗೋಸ್ಕರ ಅಲ್ಲ, ದೇಶಕ್ಕಾಗಿ ಆಡಿದ್ದೇನೆ ಎಂದರು. ಇದೇ ವೇಳೆ ಮಾತನಾಡಿರುವ ಹರ್ಮಿತ್ ದೇಸಾಯಿ, ಸೂರತ್ ನನಗೆ ಯಾವಾಗಲೂ ಅದೃಷ್ಟ ಕೈ ಹಿಡಿದಿದೆ. ಚಿಕ್ಕವನಾಗಿದಾಗಿನಿಂದಲೂ ನಾನು ಅನೇಕ ಟೂರ್ನಿಗಳಲ್ಲಿ ಭಾಗಿಯಾಗಿ ಪ್ರಶಸ್ತಿ ಗೆದ್ದಿರುವೆ ಎಂದಿದ್ದಾರೆ.
